Magaara Vi Sa Jok Vun Lona OZE 3 - Boy Lonana

Oze ɗum Gomer hin tukuɗu

¹ Yawe dan ana, «Tuɗ olo, min ca mayra sa daŋŋa miniɗta ta ɦal ki a li zoŋgara. Kay ana minda vi Yawe kay goryoŋ Israelna ni na. Asi may ɗaŋŋi pereɗ irisi eg loogi suu daŋŋa. Asi minni komnjoɗi ma vi loogi suu ɦawanana.»

² An hoŋosi ay egenni u doonora sikle doogo yam vadl u wana kelew dew u nus may.

³ An daɗ ana, «Ndak hin hin ki man buuna bolowo, bay goɓ kaŋgaa, bay mbuɗ ki maŋ sa daŋŋi. An hin li u ndakŋi ko ndaɗta na may.»

⁴ Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

⁵ Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.