GA 8ATAMBARA 34 - Boy Lonana

Miɗ ma Moiz miɗna

¹ Moiz ɗiŋ kolo kay ɦinira hu mbassa Moabpa kay ɦinira Nebo kolo kay ɦinira yaɗ ana Pisgara, vok taɗ u ɦoŋzi ma Yerikona. Yawe takam mbassa ki dew dew halaŋ. Col ha Galaad ta ta Dan.

² Mbassa vi Neftali vi Efrayim, u Manase u mbassa Yudara halaŋ ta ta tew mbo lum ma ŋgol ma u fiɗiginana.

³ Ҥoŋzi ŋgolna Negeb u zi ma gorina halaŋ. Huɗugumba Yerikora, ɦoŋzi ŋgolo ma Manawra ta ta tew ay Sowar.

⁴ Yawe hin dam ana, «Gola ni mbassa an vi vunun kaɗ u Abraham, Isaak u Yakob dasi ana, an hin ɦal mbas ndaɗta ka maŋ gor ŋgologi magisina, an takaŋga, aŋ waɗ ki u ii taŋga wa. Na may aŋ ka kal huɗi kama.»

⁵ Moiz sa ma sun Yawena miɗ ni huwa, hu mbassa Moabpa ko ndal Yawe di kira na may.

⁶ Nam ha hu ɦuɗugumba hu mbassa Moabpa vok tak u Bet Peorna gay, sa ma wam usum kaɗi ta ta cemi.

⁷ Moiz miɗ ni li basara kay ndaŋgara ni kis duk dok-mba'. Nam miɗ ni u saɓakamu, mbuɗ ka ki maa cocoɗi.

⁸ Suu Israelna tii Moiz ay ŋgoo bagi hu fulla Moabpa buuna dok-hindi. Ŋgoo dagan buu ma li hahaw Moizna daɓ kiyo.

⁹ Josuwe ma goŋ Nunna oy u musukka yalna kay Moiz tin kom ka kamu. Suu Israelna hum umu, a li u gaɗ mayra Yawe ɦaɗ ka maŋ Moizza.

¹⁰ Sa jok vun Lona ma col kolo duk suu Israelna ko ndal Moiz na kaɗi. Nammi sa ma Yawe wam ki kolo fun tasi na gawna.

¹¹ Nammi sa ma Yawe sunum a li dlara mbuɗ mbuɗta u takka ki fok Faraw hu mbassa Egipterana, hu mbas mamba u suu sun mamsina halaŋ.

¹² Moiz namma li dlara saɓakŋa halaŋ u bik komu. Tak dlara li tara ndaana ki coco ii suu Israelna lay.