EZAYI 20 - Boy Lonana

Ezayi tuɗ ki siiliya, tuɓuru ka sembi lay

¹ Hu cokira mulna, Sargon, mul ma Asirina, sun sa ma ŋgol asgaana u suu duuna ha hu mbassa Asdodda, nam duu u asiya tli mbas ndaɗta.

² Hu coki ndaɗta ni Yawe ɓakasi ni u sunda vi sa ma jok vun Lona Ezayi ma goŋ Amosna. Nam dam ana, «Tuɗa, cuk baraw ma hahawra egeŋu, fok tuɓuru ma seŋŋa kiyo.» Nam li ko ndaɗta na may, tuɗ payam ki siiliya, tuɓuru ka sembi may.

³ Yawe di ana, «Saan ma sunda Ezayi tuɗ ki siiliya, tuɓuru ka sembi lay, basara ki ca ni hindi. Ni dla mayra tak ki kay suu Egiptena u suu Etiyopinara.

⁴ Ni na may mul ma Asirina hin yow suu Egiptena u suu Etiyopina ay daŋgayna tuɗusi ki hu mbassa daŋga, gorzoŋina u suu maana hin tuɗ ni siiliya, tuɓuru ka sesiɗi lay. Zolo namma hin li ŋgol coco kay suu Egiptena.

⁵ Suu li tin saa masira kay Etiyopi u Egipte dewna hin mbuɗ ki ndaana cocoo, ni suu may suu li fi njunda ay ko suu Egiptena cocona.»

⁶ Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»