Matthieu 18 - Nyanmien nde Ufle

Swran ng'o ti dan tra bé kwlaa'n

¹ I ôsu kunngba'n nun Jésus i sonnzonfue'm bé bee i wun le, bé use i ke: ?Bé bo Nyanmien sié bé'n, bé nun ônin ye o ti dan tra bé kwlaaa?

² Ye Jésus fle ba kaan kun o dyreen bé afien le, o sé ke:

³ Nanwle, se amuan katyiman amuan yô'a ke ba kanngan'm bé sa'n, an su yô'a men nga Nyanmien sié'n i nunfue mlonmlon.

⁴ I so'n ti, swran kwlaa ng'o yô wetee ke ba kaan nga sa'n, o wa yô bé kwlaa nga Nyanmien sié bé'n bé nun dan.

⁵ Ye swran ng'o so ba kaan ke nga sa nun n dunman nun'n, wuun min nun ye wa soo.

Sa te yôle

⁶ Sannge se swran kun satyi ba kanngan nga bé lafi n su'n bé nun kun ti nun'n, o flunman ke bé fa yebue nin dan kun minnde i komin bé yi dyénvié'n i bunman'n nun tra ke o yô so'n.

⁷ Men'n b'o man swran'm bé satyi'n, i yakô! Afin liké ng'o man swran'm bé ti nun satyi'n, san béh yôh, sannge swran ng'o yô i so sa lie'n, i yakô!

⁸ Se o sa annze o dya'n ye man o yô sa te'n, kpe yi blô mmua, o flunman ke a yô dyasinfue annze sasinfue, nan a nyan nguan'n, tra ke o sa nnyon'n annze o dya nnyon'n bé ô le, nan ba fa o a yi anannganman sin'n nun'n.

⁹ Se o nyinma'n kusu ye man a yô sa te'n, tui yi blô mmua, o flunman ke a fo o nyinma peen'n wo lika nga bé nyan nguan nun'n, tra ke o nyinma nnyon'n wô le, nan ba fa o a yi nyrennen lika'n i sin'n nun lo'n.

Bua b'o mlinnin'n i wun nyanndra

¹⁰ Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

¹¹ [Afin m bo n katyii Swran'n m baa bé nga bé mlinnin'n bé ti déle.]

¹² ?Se swran kun le bua ya, nan bé nun kun mlin'n, an bu'e i ke o yatyi ablangwlan-nin-ngwlan'n ôka'n su le o kô kunnde bé nun kun ng'o mlinnin'n?

¹³ Nanwle, ke o kô wuin'n, i klun dyo i ti tra bé nun ablangwlan-nin-ngwlan nga ba mlinman'n.

¹⁴ I kunngba nion, amun Si b'o ô nyanmien su lo'n o klô'a ke ba kanngan nga'm bé nun kun mlin.

Se o niaan kun yô o sa'n

¹⁵ Se o niaan kun yô o sa'n, fle i aamien kan kléé. Se o wun i wle'n, wuun w'a nyon o niaan.

¹⁶ Sannge se o wu'en i wle'n, fa swran kun annze nnyon uko o su, afin san swran nnyon annze nsan bé nde'n ye bé bu i nanwleo.

¹⁷ Se o fa'a bé nde'n su'n, ken i asonunfue'm bé nyrun, se o faman'n, bu i ke swran b'o nu'an amun nun, ke guabô sika défue sa.

Liké nga be men i wun atin'n, nin liké nga bé me'en i wun atin'n

¹⁸ Nanwle, liké kwlaa nga an kô tanniin asie'n su wa'n, béh tanniinh nyanmien su lo, ye liké kwlaa nga an kô men i wun atin asie'n su wa'n, béh menh i wun atin nyanmien su lo.

¹⁹ Nh kanh klé amun ékun ke, liké kwlaa nga se amun nun swran nnyon bé bô yô kun asie'n su wa bé sre'n, min Si b'o ô nyanmien su lo'n, oh feh i so liké'n man bé.

²⁰ Afin lika nga swran nnyon annze nsan bé yia n dunman nun'n, n wô le wié.

Dyunman difue bo si'e i wiéngu aunnvue'n

²¹ Ye Pierre wunngéé i wun le, o use i ke: ?Nannan, se n niaan kun yô n te'n, kpe nnye ye n yatyi tye io? ?Lélé kpe nsô?

²² Jésus séé i ke: Nanh kpe nsôo, sannge lélé kpe ablésô fa nsô.

²³ I so'n ti, Nyanmien siéle'n o fa famien kun b'o klô ke oh siésiéh kale b'o ô i nin i dyunman difue'm bé afien'n.

²⁴ Ke o bôô i bô'n, bé fa bian kun bo i talent (*f11*) akpi-blu ô i su'n blelii.

²⁵ Ke o le'a liké fi b'o fa tua kale so'n, i min'n sé ke bé yô i bobo, nin i yi, nin i mma mun, ye i bô ninngé'n kwlaa bé ate, bé fa tua kale so'n.

²⁶ Dyunman difue so'n o la kôndô i min'n bô séé i ke: Yatyi, guo o ya asé, man n tutu kale so'n kwlaa bleble lélé man o wié.

²⁷ Dyunman difue'n yôô i min'n i annvo, o yatyii i nun, nan wa yatyi kale so'n wa tyee.

²⁸ Ke dyunman difue so'n fitéh'n, o nin i wiéngu kun bo bé di dyunman kunngba'n bo i denier (*f10*) ya ô i su'n, bé yiali. O tre mieen i komin, o sé i ke: Tua n kale'n.

²⁹ I wiéngu'n kôtô i bô, o séé i ke: Yatyi, guo o ya asé, man n tutu kale so'n.

³⁰ Sannge i lie su, wa kpli'an su, o kô wle i bisua, lélé san o wié kale so'n tua.

³¹ Ke i wiéngu'm bé wuun sa so'n, o yô bé ya dan kpa, nan ba kô kan nde so'n kwlaa ba klé bé min'n.

³² Bé min'n flelii, o sé i ke: Swran tefue, ke a kpatali min'n, n yatyili o kale lie'n kwlaa tyeli o.

³³ ?Ke n sii wo aunnvue'n, o kusu, o kwla si'a o wiéngu'n i aunnvue wié?

³⁴ I min'n fee i wun ya, o man bé klé i nyrennen lélé san o wiéé i kale so'n kwlaa tua.

³⁵ Se an yatyi'a amun wiéngu'm bé sa bo bé yô amun'n tye'a bé amun klun-ufué su'n, ke min Si b'o ô nyanmien su lo'n o wa yô amun soo.