2 Tɛsalonikfuɛ Mun 3 - Nyanmien nde Ufle

Anh sre Nyanmien ke o nian é su

¹ Aniaan mun, min nde'n i atabô'n ye: anh sreh Nyanmien ke o nian é su man é Min'n i nde'n tre ndende, ye bé bui nanwle ke an fa bui nanwle sa.

² Ye anh sre i ke o dé é klunwifue tete'm bé sa nun, afin swran ngba lafi'a Christ su.

³ Sannge é kwla fa é wla gua é Min'n su. Oh wlah amun fanngan ye oh nianh amun su, o man Klunwifue'n su nya'an amun.

⁴ É Min'n man é lafi amun su ke amunh yôh liké nga é sé amun ke an yô'n, ye an su yatyi'e i yôle.

⁵ Man é Min'n man an wun klôle nga Nyanmien fa klô amun'n, ye o man an tra amun awlen ke Christ lie'n sa.

Dyunman dile

⁶ Aniaan mun, éh sreh amun, anh nian é Min Jésus-Christ ti, nanh an fa amun wun mantan swran kwlaa ng'o ti nveefue bo liké ng'o yô'n nin nde nga é kan kléli amun'n ti'a kun'n.

⁷ Amun bobo an si liké nga se an yôo o nin é lie'n ti kun'n, afin ke é ô amun wun lo'n, ya bubu'a é sa nin é dya a tra'an su.

⁸ Ya di'a swran wié liké ngben, sannge ke o kô yô nan ya mia'an swran fi sa'n, é di dyunman wia nun nin kongue, é fe.

⁹ Nanh ke se an wuka yéo o ti'e i su tio, sannge é klô ke é yôé so nan an nian é lie'n su yô.

¹⁰ Afin i nun nga é ô amun wun lo'n, é séé amun ke: Swran nga i waan o di'a dyunman'n nanh mon o di liké.

¹¹ Sa ti bo é sé so'n yele ke é tii ke amun nun wié'm bé ti nveefue, bé yô'a liké fi, san nde ng'o ti'a bé nde'n ye bé kaan.

¹² Éh sreh i sofue mun kpa ke bé nian é Min Jésus-Christ ti, béh kan bé nyin asé di dyunman nan ba nyan bé nuan nun alie.

¹³ Aniaan mun, amun lie'n, nanh man amun sa sin bubu amun sa kpa yôle nun.

¹⁴ Swran ng'o fa'a nde nga é klee fluwa nga nun'n su'n, anh nien siin, nanh amun nin i san nun, anh yatyii le mon o wun nyannzuen.

¹⁵ Sannge nanh amun kpoe, anh fe bu amun niaan, anh tu i fo.

Bé nuan yrale

¹⁶ Man é Min'n b'o man swran di aladyé'n i bobo man amun wun dyo amun fouun tyen kwlaa sa kwlaa nun, ye o nin amun tran!

¹⁷ Nde kaan nga n kle fa yô amun liké'n, m bobo m Paul n sa nuaan. I ye o klé ke min ye n klelio, afin ke n klee so n fluwa'n kwlaa nuon.

¹⁸ Man é Min Jésus-Christ man amun kwlaa an nyan yé!