2 Korɛntfuɛ Mun 8 - Nyanmien nde Ufle

Bé klun-ufué su liké manle

¹ Aniaan mun, é klô ke an si yé dan nga Nyanmien man Macédoine lo asonunfue'm bé yôli'n.

² Sa ng'o toli lofue'm bé su'n o man bé wuun nyrennen kpa. Bé ti yalefue, sannge bé klun b'o dyo dan'n ti, bé yô aklunyé kpa.

³ Nanwle, n wun i ke liké nga bé sa dyu su'n bé mannin, bé man tra su bobo bé klun-ufué su.

⁴ Bé bobo bé sree é kpa ke é yatyi man nennen nga béh kôh di Nyanmien i swran mun Judée lo'n man bé di wié.

⁵ Nga bo é bu i ke béh yôh'n, bé yô traa su, afin bé dun mmua fa bé wun maan é Min'n, i sin bé fa bé wun maan é kusu, i so'n ti Nyanmien klun su.

⁶ O man é sree Tite b'o bôô dyunman so'n bô amun wun lo'n, ke o kô uka amun nan an guagua nennen dile so'n bô.

⁷ Liké kpakpa'n kwlaa ti a sin a yia amun, an lafi Christ su kpa, an si idyo, an wun sa wle, an le awlen sa'n kwlaa nun, an klô é dan. N klô ke an yô aklunyéfue dan kusu.

⁸ N kan swran wié'm bé awlen bo bé le'n i nde klé amun, nanh amun mianle ti ye n kaan, sannge n klô ke nh wunh i wle se an klô Nyanmien nin swran sakpa ô.

⁹ Afin an si yé dan nga é Min Jésus-Christ yôli yé'n. I b'o ti anyanbéunfue'n o katyii i wun yalefue amun ti, nan i yale so'n nun an katyi anyanbéunfue.

¹⁰ Anh nian min akunndan bo m bui sa so'n su'n ye, se an sa liké nga bo an bôô i yôle bô afue b'o sin lo'n su'n, o ti kpa, afin amun ye an dun mmua buu nennen so'n i dile akunndaan.

¹¹ I so'n ti, anh guegue i bô sien'n! Akunndan nga b'o man amun waan amunh yôh'n, anh bu akunndan kunngba so'n anh yô nga amun sa dyu su'n.

¹² Afin se swran kun bobo klun su i waan oh manh Nyanmien liké'n, liké nga i sa dyu su b'o fa men'n, o so nun, o mia'an swran ke o men liké b'o lemen'n.

¹³ Nanh ke an fa amun sa nun ninngé'n kwlaa man swran wié mun nan an di i sin yaleo, sannge man amun sa nun ninngé'm bé se.

¹⁴ Amun lie'n, ke é sé ye'n, amun sa nun yô fe, i so'n ti, se amun waan amunh tih bé nga bé sa mian'n bé wun nyanman nun'n, an kwle i yô. Amun kusu se tyen wié amun sa mian bo bé kusu bé sa nun yô fe'n, béh tih amun wun nyanman nun. Ke o kô yô so'n, wuun amun sa nun ninngé'm ba se.

¹⁵ Afin Nyanmien Nde nga bé kleli'n bé klee ke: «Swran ng'o isa kpanngban'n, o nya'an wié tra'a su, ye swran ng'o isa kaan'n, i sa mianman.»

Tite nin i wiéngu mun

¹⁶ Nyanmien Kpli kwla ô! Afin o man amun nde lô Tite kusu.

¹⁷ Liké nga é sree ke o yô'n o kpliin su, ye kusu amun nde b'o lôé dan'n ti, i bobo klun su o oo amun wun lo.

¹⁸ É sunmen i nin é niaan nga i dyasin fe bôle'n ti, bé bô i dunman asonun'n kwlaa nun'n.

¹⁹ Ye kusu asonun'm bé yii ke o kô sunman é. Ke é nin i é fa nennen liké so'n kô man'n, éh yôh nan é Min'n nyan nyrun, ye amunh wunh ke bé lika nianle'n wô é klun sakpa.

²⁰ É klô'a ke é dunman satyi dyunman nga é fa sika dan so'n di'n su.

²¹ Nanh liké nga é Min'n i nyrun o ti nanwle'n i ngunmin ye é yôo, sannge é yô ng'o ti nanwle swran'm bé nyrun'n kusu wié.

²² É sunmaan bé nin é niaan bo é niennin sa sunman nun lélé, é wuun ke swran'm bé lika nianle'n lôé kpa'n. Ye i wla b'o ô amun su'n ti, bé lika nianle'n lôé kpa tra laa'n.

²³ Tite lie'n, o ti n wiéngu bo é nin i é di dyunman man amun, sannge é niaan ng'o nin bé ko'n bé lie'n, asonun mun ye bé sunmaan béo. Bé man Christ nyan nyrun.

²⁴ Anh yô bé man asonun'm bé wun ke an klô swran, ye bé si kpa ke é nuan bo é fa amun di klé bé'n é di'e ngben.