2 Korɛntfuɛ Mun 5 - Nyanmien nde Ufle

¹ Afin é si ke é wunnen ng'o ô ye'n o ti ke kpata sa. Se o satyi'n, Nyanmien manh é tranwle ufle nyanmien su lo b'o ti'a swran sa nuan, o su satyi'a lé.

² Ôle nga é ô ye'n, é ôtô, afin é wla lô é nyanmien su lo tranwle'n b'o wa yô ke kôndrô bo bé fa kla kun su'n sa.

³ Ke é kô kle so'n, é wun su yô'a kplen.

⁴ Ke é te ô kpata nga bô'n, ôtôle'n kun é, nanh ke é wunnen ng'o ô ye'n é klô ke é kpa gue ke kôndrô saa, sannge ufle ye é kônvi ô su ke éh fah kla suo, nan anannganman nguan'n wa katyi kwlaa ng'o ti wié'n i nnen'n.

⁵ Nyanmien ye o siéé é ke é agualie'n o gua é soo, ye o fe i Wawe'n maan é b'o klé é ke é agualie'n o wa gua é kpa so.

⁶ I so'n ti, é wla gua asé tititi. É si ke ke é te ô wa bo é wunnen'n te yô ke é awlô bo é tran nun sa'n, é nin é Min'n i awlô'n wali.

⁷ É wunmen, sannge i su bo é lafi'n ti, é ko é nyrun.

⁸ Ke é wla gua asé ke nga sa'n, o man se é dyaô wa é kô tran é Min'n i awlô lo'n, o ti kpa.

⁹ O man se é tran wa ô, se é ko ô, é mian é nyin ke liké kwlaa nga é yô'n, o yô é Min'n i fe.

¹⁰ Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.

Christ a siésié é nin Nyanmien é afien

¹¹ Ke é si ke é Min'n yô srô'n, é kan nde wéiin klé swran mun nan bé katyi. Nyanmien si é kpa, ye é bu i ke amun kusu an si min kpa.

¹² É ka'an é bobo é wun nde klé'a amun kun, sannge é yô sa b'o man an fa é di tutré, nan amuan fa klé bé nga bé nian swran nyrun bo bé nienmen i nzuen'n.

¹³ Se é fa swran bo ba non blolo nzan'n, Nyanmien ti ye é ti soo, sannge se é ti swran nyin klôuunfue'n, amun ti ye é ti soo.

¹⁴ Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

¹⁵ O wuu bé ngba bé ti, i so'n ti, ôle nga bé ô le'n, nanh bé bobo bé ôle ye bé wôo, sannge swran ng'o wuli b'o tyennin bé ti'n, i dunman nun ye bé wôo.

¹⁶ O man ke o fin nde'n, é bu'a swran'm bé akunndan ke swran'm bé fa bu akunndan'n sa kun. Se laa é bu Christ so bobo'n, sien'n é bu'e so kun.

¹⁷ Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

¹⁸ I kwlaa so'n fin Nyanmien b'o fa Christ siésiéé é nin i é afien'n, b'o fa swran nin i bé afien siésiéle dyunman'n maan yé'n.

¹⁹ Nyanmien nin Christ bé swran kun bo bé ti'n ti, wa nia'an sa nga swran'm bé yôli'n ti, o yôli man menmenfue'n kwlaa bé nin i bé afien a se. Ye o fa afien siésiéle nde so'n wlaa é sa nun.

²⁰ O man é ti Christ i dya nun dyranfue, Nyanmien bobo fa nde ng'o klô ke oh kanh klé amun'n, wla é nuan, o man éh sreh amun Christ dunman nun, man Nyanmien siésié amun nin i bobo amun afien.

²¹ Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.