2 Korɛntfuɛ Mun 4 - Nyanmien nde Ufle

Liké kpakpa b'o ô se nun'n

¹ Nyanmien i aunnvue b'o si é b'o fa é wlaa dyunman nga nun'n ti, é sa sin bubu'a é.

² É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

³ Se é dyasin fe nga é kan'n o te ô bui bô'n, wuun bé nga bé su mlin'n bé nyrun ye o te ô bui bôo.

⁴ Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

⁵ É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

⁶ Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

⁷ É bo é le Nyanmien ninngé kpakpa so mun'n, é ti ke se sa, o man bé wun i wle ke é kwla yô'a liké fi, sannge Nyanmien Kpli'n ye o yô sa'n kwlaaa.

⁸ É wun nyrennen wafawafa'n kwlaa, sannge é nyan é ti, é akunndan sanngan, sannge é wla bôman,

⁹ bé su é su, sannge Nyanmien yatyi'a é, bé te é asé, sannge bé kwla'a é.

¹⁰ Ke o yô nan ba wun ke ya nyan nguan kunngba nga Jésus le'n wié'n, tyen kwlaa nyrennen kunngba nga Jésus wunniin b'o fa wuli'n, é wun wié.

¹¹ Ke o yô nan ba wun ke é bo é ti wié'n i nnen'n ya nyan nguan kunngba nga Jésus le'n wié'n, é dyran wié'n i nuan Jésus ti lélé éh fah wu.

¹² É lie'n, wié'n su é su tititi, sannge amun lie'n, an le nguan.

¹³ Bé klee Nyanmien Nde'n nun ke: «N lafi Nyanmien su, i ti ye man n kannion.» É kusu, ke é le awlen kunngba so'n bo é fa lafi i su'n, i so'n ti ye é kaan.

¹⁴ É si ke Nyanmien b'o tyeen é Min Jésus'n o wa tyen é wié ke o tyeen Jésus'n sa, ye oh fah é nin amun éh kôh yie i nyrun lo.

¹⁵ Amun yé yôle ti ye sa so'n kwlaa yôô soo, o man ke Nyanmien yô kpanngban bo bé nuan uka su titi'n bé yé dan'n, o man swran so'm bé kusu bé wa le i asé, béh bôh i dunman.

Sa nga bé bo bé lafi Nyanmien su'n bé yô'n

¹⁶ I so'n ti, é sa sin bubu'a é. Kannze é wunnen ng'o ô ye'n o satyi'n, liké nga bo man bé fle min swran'n, tyen kwlaa Nyanmien bôé monnen.

¹⁷ Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

¹⁸ Nanh ninngé nga bé wun bé'n bé akunndan ye é buo, nga bé wu'an bé'n, bé akunndan ye é buo, afin ninngé nga bé wun bé'n, bé tyeman, sannge nga bé wu'an bé'n, bé tye bé satyi'a lé.