2 Korɛntfuɛ Mun 10 - Nyanmien nde Ufle

Paul i dyunman'n i wun nde'n nun yiyile

¹ M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

² nh sreh amun ke, se n dyu amun wun lo'n, nanh an mian min man n yi n yasua'n nglô klé amun, afin se n dyu lo'n, nh yih n yasua'n nglô klé bé nga bé waan é nzuen'n ti swran nzuen'n.

³ Kannze é ti swran'n, ale nga é kun'n, é ku'en ke swran'm bé kun'n sa.

⁴ Afin liké nga é fa kun ale'n, bé fi'an swran, bé fin Nyanmien Kpli'n, o man bé kwla bu awa ngblingbli mun. É bu bé kwlaa nga bé akunndan'n ti te'n bé bué,

⁵ ye liké kwlaa nga b'o man swran'm bé si'a Nyanmien'n é satyi bé, é yô man swran'n kwlaa, se bé akunndan'n ti se ti se ô bé yatyi bé akunndan so'n bé nyin yi Christ.

⁶ Se é wun ke amun nyin yi Christ sakpa'n, se nyin kékléfue wié ô le bo i nyin yimen'n, éh tuh i fo.

⁷ Liké nga an wun bé'n ye an niaan! Se swran wié bu i klun lo ke o ti Christ lie'n, mon o bu i kusu ke, ke o ti Christ lie'n, é kusu é ti i lie wié.

⁸ É Min'n wa sié'a é ke é satyi amun, sannge ke é yô man an yô swran. Se n fa sa so'n di n nuan dan'n, nyannzuen su ku'an min.

⁹ Fluwa nga n kle bé ble amun'n, nanh an bu i ke amun sre wlale ti ye n kle béo.

¹⁰ Bé waan, n fluwa'n nun nde'm bé ti dandan bé yô ya, sannge ke bé wun m bobo'n n ti'a liké fi, ye ke n idyo'n, n yô annvo.

¹¹ Swran ng'o sé so'n, mon o si wéiin ke sa kwlaa nga é kle é fluwa'n nun'n, se é dyu lo'n éh yôh.

¹² Bé bo bé kunnde bé bobo bé dunman'n, é su fa'a é wun wla'a bé nun, ye é su fa'a é wun sunnzu'an bé mlonmlon. Afin ke bé fa sa nga bé bobo bé bu i ke o ti kpa'n sunnzun bé wun'n, bo bé fa bé wun sunnzun bé wiéngu'n, bé ti sinnzin.

¹³ É lie'n, Nyanmien kléé é dyunman nga é di'n o nin i dyuwle, an wô nun wié. Ke éh dih é nuan'n é fa'a liké ng'o nu'an é dyunman lie'n nun'n di'a é nuan.

¹⁴ Ke é fa Christ i dyasin fe'n woo amun wun lo'n, i so'n klé'a ke é tra é dyunman'n i dyuwle'n su, afin an wô nun wié.

¹⁵ É tra'a é dyunman'n i dyuwle'n su, é fa'a swran wié dyunman'n di'a é nuan. Sannge é wla ô su kpa ke se an lafi Nyanmien su kpa'n, dyunman ng'o klé é ke é di amun afien'n, oh yôh kpa dan.

¹⁶ O man é kwla bô dyasin fe'n akpasuaakpasua nga bé ô amun sin lo'n bé su, e su fa'a swran wié'm bé dyunman nga ba dun mmua yôé bé dyunman i dyuwle lie'n nun'n di'a é nuan.

¹⁷ Afin bé klee Nyanmien Nde'n nun ke: «Swran nga i waan oh dih i nuan'n, mon o fa é Min Nyanmien'n di i nuan.»

¹⁸ Afin nanwle, swran ng'o sé i bobo wun ke o ti kpa'n, nenh i ye o ti kpa nion, san swran nga é Min'n bobo sé ke o ti kpa'n, i ye o ti kpaa.