1 Korɛntfuɛ Mun 9 - Nyanmien nde Ufle

Liké nga Paul kwla yô bo wa yôman'n

¹ ?N di'a min wun? ?Christ a sunma'an min? ?Man wu'an é Min Jésus? ?Nanh amun ye an ti é Min'n i dyunman bo n di'n, i nun liké nion?

² Se swran wié'm bé bu i ke, nanh Christ ye o sunmaan min'n, sannge amun lie'n, an si so, afin amun ye an klé wéiin ke é Min'n ye o sunmaan min ke n ken i nde nion.

³ Nde nga n fa te bé bo bé usa n sa'n bé su'n ye.

⁴ ?Se an siké yé'n, o ti'e i su?

⁵ ?Se é dya bla bo bé ti Christfue'n, nan é fa bé ko ke bé bo Jésus sunmaan bé'n, bé nin é Min'n i niaan mun nin Céphas bé lie'n sa'n, o ti'e i su?

⁶ ?Min nin Barnabas é ngunmin tye ye se é yatyi é dyunman lie'n, o tié i suo?

⁷ ?Wan ye o ô sôndya nun b'o tu'e i bobo wun kaleo? ?Wan ye o di fié b'o di'a su likéo? ?Wan ye o ta nnen b'o nonmen i nonnoon?

⁸ ?Swran'm bé nzuen'n su e n nian n ken i soo? ?O nu'an mmla'n nun so wié?

⁹ Afin Moïse klee i mmla'n nun ke: «Nannin ng'o bô awié'n, nanh bé tyityi i nuan.» ?Nannin'm bé akunndan ye Nyanmien buli,

¹⁰ annze é bobo é ti ye o keen i soo? Een, é ti ye o keen o soo. Swran ng'o di fié'n i wla ô su ke oh nyanh liké, ye swran ng'o bô awié'n, i wla ô su ke oh nyanh wié.

¹¹ ?I so'n ti, se é klé amun Nyanmien ninngé mun, nan se é sé amun ke an man é amun ninngé'm bé wié'n, ya bô aôsuan?

¹² ?Se swran wié'm bé kwla sé amun ke an man bé liké'n, nanh é lie sion? Sannge é lie'n, kannze é kwla yô i so bobo'n, ya yô'a i so. I kwlaa son é nun, yele ke é klô'a ke é bô Christ i dyasin fe'n i kôkôwa.

¹³ ?An si'a ke bé nga bé di dyunman Nyanmien sua dan'n nun'n i nun ninngé'n ye bé fa ta bé wuon, ye bé nga bé tran Nyanmien nyrun'n bé nyan bé ninngé lie'n nga bé fa man Nyanmien'n nun?

¹⁴ Kusu ke é Min'n sié i soo, i waan bé nga bé kan dyasin fe'n bé nyan bé ninngé lie'n dyasin fe'n i kanle'n nun.

¹⁵ Sannge liké kwlaa nga se n waan nh yôoh n kwla yô'n, man yômen i wié fi. Kusu nanh ke n wan, bé yôé so man min ti ye n klee fluwa so nion. Se n wu'n, o yô n fe tra ke swran wié yô man nde nga n kannin'n yô atô'n.

¹⁶ Dyasin fe'n i kanle'n ti'a liké bo n fa manman min wuon, afin bé siéé n ke n kan, o man se n kanman'n, min wun dyo'a min.

¹⁷ Se m bobo min ye n kô kunnde dyunman so'n ke nh dih'n, wuun béh tuah n kale, sannge ke nanh m bobo ye n kunnde ke nh dih'n, o ti ke dyunman bo ba sre n ke n di sa.

¹⁸ ?Se o ti so'n, nzu ye nh nyenh i nuon? Ke nh kanh dyasin fe'n bo n dé'a liké fi, bo n yô'a, i ye o ti min akatua nion.

¹⁹ Kannze swran fi sié'a min'n, sannge ke n kô yô nan man nyan swran kpanngban'n ti, man katyi min wun kanga.

²⁰ Ke n kô yô nan man nyan Juif mun'n, se n dyu bé sa. Kannze m bobo n di'a Moïse mmla'n su'n, ke n kô yô nan man nyan bé bo bé di su'n, se n dyu bé nun'n, n yô min wun ke bé sa.

²¹ Ke n kô yô nan man nyan bé bo bé di'a Moïse mmla'n su'n, se n du bé sa. Kannze n yô so'n nanh ke n di'a Nyanmien mmla'n su mlonmlon tio, n di Christ lie'n su.

²² Ke n kô yô nan man nan bé nga bé nga bé nan wu'an Nyanmien nde'n i wle kpa'n, n yô min wun ke bé sa. Swran wafa'n kwlaa bo n tô bé'n, ke n kô yô nan man dé bé'n, n yô nin yô i kwlaa so'n dyasin fe'n ti, nan liké kwlaa nga bé nyen dyasin fe'n ti'n, n lie a tran nun wié.

²³ N yô i kwlaa so'n dyasin fe'n ti, nan liké kwlaa nga bé nyen dyasin fe'n ti'n, n lie a tran nun wié.

²⁴ ?An si'a ke bé nga bé wanndi si akplôwa'n bé kwlaa bé wanndi, sannge bé nun kun ye o nyen io? Amun kusu ke o yô nan amuan nyen'n, an wanndi so.

²⁵ Bé kwlaa nga bé si ngôndi tule ô, bee kwlaa so'n se bé klô ke béh nyenh'n, bé nian bé wun su kpa liké'n kwlaa nun. Bé yôé so kunnde bé dunman, sannge dunman so'n tyeman. Sannge é yôé so é kunnde dunman b'o wiéman.

²⁶ I so'n ti, n lie'n, n wanndi, sannge n wanndi'a ngben, n tô tyolieo o tô fuanman.

²⁷ Ke n kô yô nan m bo n kaan nde klé swran mun'n, ba sé'a n ke n nu'an bé nun wié'n, n nian min wun su kpa n tra min awlen lélé o si min wun.