1 Korɛntfuɛ Mun 8 - Nyanmien nde Ufle

Amuen nnen'n

¹ Amuen nnen'n lie'n, é si ke é kwlaa é sii. Sannge sa sile so'n man swran tu i wun, sannge swran klôle'n o man swran yô swran.

² Se swran kun bu i wun ke o wun sa wle'n, wuun o su leke i wun, o nian bu'e i bué kaan sa.

³ Sannge swran ng'o klô Nyanmien'n, Nyanmien si i sofue'n.

⁴ I so'n ti, nga b'o ti amuen nnen'n i dile i wun nde lie'n, é si ke amuen'n ti'a liké nanwle, ye kusu é si ke Nyanmien Kpli'n ti kunngba tye.

⁵ Kannze bé sé ke asie'n su wa nin nyanmien su lo ninngé'm bo bé so bé b'o sié bé'n bé sonnin'n,

⁶ sannge é lie'n, é Si Nyanmien Kpli'n ti kunngba tye. I ye o yii liké'n kwlaaa, i ti ye é ô leo. Ye é Min'n ti kunngba, yele Jésus-Christ, i ye Nyanmien man o yii liké'n kwlaa, i fanngan nun ye man é ô leo.

⁷ Sannge swran ngba sié i so. Afin amuen nde'n te ô wié'm bé klun, o man ke béh dih nnen'n, o yô bé ke amuen nnen ye bé su di saa. Ke bé wu'en i wle kpa'n ti, bé klun titi bé.

⁸ Nanh alie ti ye Nyanmien klun dyo é wuon. Se é di liké ô, se é di'a liké ô, Nyanmien klun b'o dyo é wun'n, o katyiman.

⁹ Sannge kusu anh nian amun wun kpa, nanh man liké nga an wun i wle ke sa an yôo o ti'a sa fi'n, o satyi bé bo bé wu'en i wle kpa'n.

¹⁰ ?Afin se swran wié b'o nian wu'en i wle kpa'n o wun ke o bo a wun i wle'n a ô amuen sua'n nun a su di liké'n, i kusu kô di'a muen nnen so'n wié o dunman nun?

¹¹ Ke o kô yô so'n, o sa wle wunle so'n man o niaan b'o wu'en i wle bo Christ wuli i ti'n oh mlinh!

¹² Ke an yô amun niaan bo bé wu'en i wle'n bé te so'n b'o man bé akunndan sanngan'n, Christ ye an yô i te so nion.

¹³ I so'n ti, se nnen ye n kô di n kô satyi n niaan'n, n su di'e kun lé nan man satyi'a n niaan'n.