1 Korɛntfuɛ Mun 16 - Nyanmien nde Ufle

Ndo bo bé kô man Christfue mun'n

¹ Ndo bôle'n lie'n bo amun waan amunh bôh kô man Nyanmien mma mun'n, anh nian nga n kléé Galatie asonunfue mun'n su yô.

² Ke o yô nan ba minnde'a ke n dyu lo nan ba bô ndo'n, monnen'n b'o ti lé motyue'n i tyen ba klikli'n i kwlaa nun, man amun kwlaa an yiyi sika nga amun sa dyu su'n sié.

³ Ke n dyu lo'n, nh fah amun nennen bo an dili'n ye nh kleh fluwa sié su nh fah man swran bo an yii bé'n man béh fah ko Jérusalem.

⁴ Se o sié ke m bobo n wo wié'n, min nin bé éh koh.

Paul i lika kole

⁵ Ke n kô sin Macédoine lo'n, nh dyuh amun wun lo, afin le ye nh sionh.

⁶ Wiénuon nh dih lé nnyon kun amun wun le, annze wawa'n tôh n le bobo, nan se nh koh lika ufle'n, amuan gua min atin klaan.

⁷ Kole nga m ma ko ye'n se n dyu amun wun le'n, n su kpé'a nun, se é Min'n di su'n nh tyeh amun wun le kan.

⁸ Sannge nh tranh Éphèse wa lélé Pentecôte'n tôh n wa,

⁹ afin ba man min atin dan, o man n kwla di dyunman kpa, sannge é kpofue'm bé sonnin.

¹⁰ Se Timothée tô amun lo'n, anh sikéé kpa, men i wla gua asé, afin o ti é Min'n i dyunman difue ke min sa.

¹¹ I so'n ti, nanh man swran fi bui bakan. Sannge anh gue i atin klaan nan o wa tô n wa, afin min nyin te i nin é niaan'm bé atin.

¹² É niaan Apollos lie'n, man sree lélé ke o nin é niaan'm bé o amun wun lo, sannge wa kpli'an su mlonmlon ke o ko ityra'n. Tyen nga i klun dyoo oh bah.

Paul nde'n i agualie nin bé liké yôle

¹³ Anh nian amun wun kpa, anh lafi Christ su anh dyran kéklé, anh yô man bé wun ke an ti yasua bo amun awlen so.

¹⁴ Liké kwlaa nga amunh yôh'n, anh bu amun wiéngu akunndan.

¹⁵ An si ke Stéphanas nin i awlôfue mun ye bé ti Christfue klikli Achaïe asa'n su loo, ye Nyanmien mma'm bé lika nianle'n mian bé kpa. Aniaan mun, nh sreh amun kpa ke

¹⁶ man amun nyin yi swran nga bé ti ke bé sa'n o nin bé kwlaa nga bé nin bé mian bé nyin di dyunman kunngba'n.

¹⁷ Stéphanas, nin Fortunatus, nin Achaïcus bé bale'n yô n fe kpa, afin ke n wuun bé'n, o ti ke man wun amun sa,

¹⁸ o man n wla a gua asé, ye amun kusu amun lie'n guaa asé. I so'n ti, anh bu swran nga bé ti ke bé sa'n bé swran.

¹⁹ Asie men'n nun asonunfue'm bé usa amun. Aquilas nin Priscille, nin bé awlô lo asonunfue'm bé usa amun lélé, afin é kwlaa é Min'n ti kun.

²⁰ É niaan'n kwlaa bé usa amun. Se an wun amun wun'n, anh yô amun wiéngu liké.

²¹ Amun liké yôle nde kaan nga lie'n, m bobo m Paul ye n klelio.

²² Se swran kun klô'a é Min'n man Nyanmien bôé sannzan. É Min'n bah!

²³ Man é Min Jésus yô amun yé tititi!

²⁴ Ke é nin Christ-Jésus é ti swran wunmuan'n ti, n klô amun kwlaa.