Mąątɛ̨nɛ̨ 99 - Yálá laawoo hɛɓɛ (dc)Yálá kaa a Heeɓomun dələnmoa mąąhəɠɛɛ 1 Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa. 2 Yai-Laa kɛnɛ̨i Siɔn daai gaa heeni nu huwu kəlee nwun mɛ̨i. 3 Gəlee di ə laa mąąwiɛ kan, a Ə́ laa gɛnɛ̨ɛ̨, Mąąɲɔwuɔ, Mąąhəɠɛɛ. 4 Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu! 5 'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi 6 Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon. 7 Ə kɛi mɛ̨nį ɓo diɛ, tulɔ kpinįn ɉu, di kɛi nwɔ tɔnwooɠaai laa hɔn mo, a mɛ̨nįɠaai tii ə naa di nwuɔ̨i. 8 Yai-Laa, ku wɔ Yálái ə́ kɛi di woo mu hon yaa kpinįi, ə́ ɓo a Yálái niikpələ di mu, Kɛlaa, ə́ kɛi nwąną kulɔ, di wɔ túwɔ́ pələ ɲɔ̨nŋaai mąą mɛ̨nį ɓa. 9 'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi! |