Mąątɛ̨nɛ̨ 61 - Yálá laawoo hɛɓɛ (dc)Nui mąą kilɛ pələ hu nwɔ hvɛli woo 1 Nwələ ɲɛ̨itɔwɔmun, Davidə nwɔ hvɛ́li woo. A bɛlɛgwəi. 2 Ee kə Yálá! 'Ə́ wəli tɔɔ nwɔ́lɔ woo ɓa, 'ə́ wəli tɔɔ kpɔ a nɛlɛɛ, ə́ hvɛlii gáá moi nwóó ɓa. 3 Ŋą́ lɛɛ kpɔ lɔi kpɛlai, ŋą́ tómą ə́ pɔ pələ, vį́i kəlee aa kpɛɛ! 'Lii a ɲą́ą́ kwɛn mɛ̨i kwɛa, mɛ̨i. 4 Mąąhɔlɔɓo, yɛ́ ɓə a mą́ą́kilɛi, a gɔ-taai ŋą́ tɔɔ la ɲówóɠaa tɔwɔ. 5 Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu. 6 Mąąhɔlɔɓo, Yálá, yá ə́ wəli tɔɔ nííɓa mɛ̨nįɠaa diɛ, nuąi da ɲɔw ə́ laa ɓa, yɛ́ ɓə yáá di kwɛlin dɛɛ di pɔ. 7 Tɔɔmun nwɔ yɛnɛ̨ɛ̨ ta pɛlɛ nwɔ̨nɔ̨ mą, kpɛɛ hvo kɛ nwɔ kwɛlanŋąą diɛ. 8 'Ə lɛɛ lɔ dɔɔlaa hu, kpɛɛ hvo kɛ mą, Yálá ɲɛ̨i ɓa! Wɛlikɛmąąlaa da tɛ̨ą, di tɔɔ gwɛlɛ, diɛ mąą kpɛ! 9 Akɛtii kɛa, gɛ́ pɛli ə́ laa tooi a wələ, a yələ kəlee, mɛ̨nįɠaai ŋį́ di laakwɛlanmo, gɛ́ pɛli di kɛi a yələ kəlee da nwɔɔ. |