Mąątɛ̨nɛ̨ 149 - Yálá laawoo hɛɓɛ (dc)Kɔ nɛ̨ɛ̨ mąą wələ 1 'Kánikookwəi! 'Ka wələ nįnɛ̨ too Yai-Laa ɓa! 'Ka mąątɛ̨nɛ̨ nwɔ nuąi di wɔ ɲąąkpɔn ɉu! 2 Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa! 3 'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą! 4 Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ. 5 Ɲee pɔnuą di mąną a mąąwiɛ pələ, 'di tómą a kwəinɛ̨ɛ̨ di laa haɠaɠaa mɛ̨i. 6 'Di Yálá laa tɛ kpɔ hɔ̨ɔ̨ a di woo, liikpakpa ə ɓo di yəi. 7 Diɛ di nwą́ną kulɔ la hį́i takpɛliɠaa diɛ, diɛ ɉu nuąi hutɔɔ. 8 Diɛ tɔɔɓɛlaa pu yɛli ɓa, diɛ di wɔ kulááɠaa kpulɔn a yɔwɔn. 9 Mɛ̨nįi di bɛ̨ɛ̨ di nwuɔ̨ diɛ naa diɛ, Yálá yee pɔnuą kəlee ɲɛ̨i pɔ̨nɔ̨ mɛ̨nį li! 'Kánikookwəi! |