ဤစာအုပ်သည် ဘုရားသခင်မှ အားသွင်းပေးထားသော စာအုပ်မဟုတ်ပါ။ ၎င်းသည် ခရစ်ယာန်၏ ကာနွန် သို့မဟုတ် ယုဒလူမျိုး၏ တာနာ့ခ်၏ အစိတ်အပိုင်းမဟုတ်ပါ။ သမိုင်းနှင့် သုတေသန ရည်ရွယ်ချက်များအတွက်သာ ပြသထားပါသည်။ အပြည့်စုံသော ရှင်းလင်းချက်ကို ကြည့်ရန် Azaria ni 1_1 - Yálá laawoo hɛɓɛ (dc)Azaria ŋą hvɛli woo 24 Sadrakə, Mesakə da Abɛdə-Nego, di kɛli hiɛ nwɔ̨n nən ɉɛąi, diɛ Yálá laa tɛ, diɛ lúwó kɛ Námu ɓa, 25 Azaria ə kɛ tɔɔni nwɔ̨n nən ɉɛąi yɛ Yálá hvɛli yɛ kɛ mą: 26 Lúwó da laa tɛ, ə kɛ yɛ́ Nąmu, ku nąnni di wɔ Yálá, ə́ laa mąą ɲinɛ̨n ə tɛ lɔ wɔ! 27 Gbala ə tɔɔ, ə́ haŋąąi, ə́ tələnmoɔ, ə́ kɛ mɛ̨ni kəlee hu, ə́ kɛ koló kəlee kaa a tɛ̨ą. Ɛlɛɛ, yɛ́ pələɠaa haŋąnŋąą, yɛ́ kiti tee a tələnmo. 28 Ə́ ku kiti tee a ɉaŋąnŋąą, gbala ə tɔɔ, ku nɛ̨ŋɛ̨n ɉəɠə, mɛ̨niɠaai ə́ naa kuɔ, ə kulɔ ku hɔn ɉu, kwa ku nąnni di wɔ taa mąąhəɠɛɛ, Ɉerusalɛmə. Ə́ mɛ̨niɠaa tii kəlee hee ku nwuɔ̨ tɛ̨ą hu da tələnmolaa. 29 Gbala ə tɔɔ ku nɛ̨ŋɛ̨n ɉəɠə, ku túwó yɛ túwɔ pələ ɲɔn gulɔnuą ə lɛɛ kpɔ ɉu kuɔ həɠə ə́ pulu, ɛlɛɛ, mɛ̨ni kəlee hu, ku gala kpɔ hɔwɔ-hɔwɔ; 30 ku hvo lɛɛ li yɛ́ tíɓoɠaa pulu, ku hvo di pɔ mɛ̨ni kɛ li, yɛ bələi ə́ ku tí la a ku wɔ nwun nanɛ̨ɛ̨. 31 Mɛ̨niɠaa kpɔ ə́ naa ku nwɔ̨, da yiiɠaa kpɔ ə́ gɛ kuɔ ə́ di kɛ kpɔ a tələnmo kiti. 32 Ə́ ku too ku yówóɠaa a túwɔ́ pələ ɲɔn gulɔ nuąi, di hvo Yálá pɔ di yee ŋą, da hvulu tɔɔmun, ɲɔnwɔ̨ɔ̨ dɛɛ yɛnɛ̨ɛ̨ nu ɲɔnwɔ̨ɔ̨ɠaa kəlee diɛ. 33 Yiihu kɛa, nwumɛ̨ da ɲɛ̨ipaa daa kpɔw, yɛ́ tínuąi da kwɛli hvilɛn yɛ́ di la. 34 Ə́ laa mąą mɛ̨ni ɓaa, hvó ku lɛɛ di yəi a yələ kəlee, hvó yɛ́ mįnɛ̨i hukala, 35 hvó yɛ́ ɲɛ̨imąąwɛli kaa ku mɛ̨i, ə́ ɓɛlamun Abrahamə mąą mɛ̨ni ɓa, yɛ́ tímu Isaakə mąą mɛ̨ni ɓa, da yɛ́ mąąhəɠəmun Israɛlə mąą mɛ̨ni ɓa; 36 a diɛi ə́ pə́lə́ɓo diɛ, yɛ́ ə́ kaa pai di huwu hu kɛnɛ̨i, yɛ yələi pɛmɛ̨lɛ̨n-gɔwɠaa, yɛ gboloya kwɛlɛ ɲɛ̨ą kɔw. 37 Hvó gaai, Eekə́, ku Nąmu, kwaa lɛɛ kpɔ tiikpə yɛnɛ̨ɛ̨ nukanŋaa lowai, ɲɛ̨ipaa aa kələi həli kuɔ, yɛnɛ̨ɛ̨ lɔi kəlee ɲɛ̨i ɓa, a kuɔ nɛ̨ŋɛ̨nɠaa laa pɔɔ. 38 Yiihu kɛa tɔɔmun və ku yəi, ə́ kwəi mɛ̨ni hukulɔ mun və ku yəi, ku ɲɛitɔwɔmun və mą, halaai da gəlee kələn da hvo nąą, halaa hɛn və mun laa, ə mą kɛ, hɛn da bu halaa hɛn mą. Lansan kpɛli hvo nąą, ɓɛi kpɛli ku hɛn ninɛ̨ laakwɛlanmo laa yɛ́, kuɔ pɛli lúwó hɔlɔɓoi, nąą hvo mą. 39 Bələi mąn kpɛli aa kɛ la tii, nwumɛ̨ aa ku lii yali ku kwəi ku ɲɛ̨i aa paa, ə́ yee hee ku mu, nɛ̨ɛ̨ yɛ́, yɛ́ halaai da gəlee kələn a ɓɛlaa halaa da niŋɛ̨ halaa; 40 yɛ ɓɛlaa waa tamąą wulɔɔ halaai da gulɔ yɛ́; kuɔ pɛli lɔ nii lɛɛi ə́ pulu, gbala ə tɔɔ, nui a gilitɔɔ yɛ́, nwumɛ̨ hva tɛ mą. 41 Yiihu kɛa, kwaa hvilɛn ə́ pulu ku kwəi tɔnɔ̨ a ɲɔwmąąlaa. 42 Kuɔ ə́ ɲɛilai kwɛli. Hvó nwumɛ̨ tɛ a kuɔ. Kɛlaa ə́ ku hon a liinɛ̨ɛ̨ gwəilaa, da yɛ́ ɲɛ̨imąą wɛli kaa laa kɛ̨nɛ̨i. 43 Ə́ wɔ yəi kɛ̨nɛ̨ laa hu, ku ɓalo, ɛlɛɛ, Nąmu ə́ kpɔwɔ mąą ɲinɛ̨n gɛ mą. 44 Nuąi kpɔ kiliŋąhiɛ ɲɔnwɔɔ kɛli, yɛ hvilɛn yɛ́ nuą diɛ, di hu pu diɛ, nwumɛ̨ tɛ a diɛ, di wɔ heeɓolaa kulɔ di yə́i, ə́ di huwalawala hamu tee mu. 45 Mąąnɛ̨ɛ̨ di gbaɠala kaa, diɛ kɛ, yɛ́ tɔ̨nɔ̨ lɔ ɓə ə́ mąąɲinɛ̨n gaa yɛ́ lɔi kəlee nwun mɛ̨i. Daniɛlə mɛlaa haaɓai di wɔ wələ 46 Gɛɛ tii, tɔɔmun nwɔ nuąi di pili nwɔ̨n ɉu, di hvo kɛli kpɛla nwɔ̨ dɛi diɛ, di kɛli kwɛi pili nwɛ̨ą. 47 Nwɔ̨n nən ə haŋąn kpɔ a yeelaamą pow nąąn kɔw mɛ̨inąąn. 48 Nwɔ̨n nən ə laŋįn Kalde nuąi kɛ nąą kwɛlɛ, ə di kələn. 49 Kɛlaa, Nąmu nwɔ malaka ə yɛɛ, Azaria da mɛlaa di pɔ, ə nwɔ̨n nən gulɔ laa. 50 Ə vuluun nwɔ̨n ɉɛ̨ąi kɛ yɛ kɛɛnąą ɲąąlaɠiɛ, hvaŋą hvɛ-hvɛ yɛ pu laa. Nwɔ̨n nən hvo tunwɔ̨ diɛ, kpɛli tiikpə, hvo mɛ̨ni ta kɛ a diɛ, hvo hɛn da kala diɛ. 51 Gɛɛ tii, gəlee haaɓa di di woo tɛ yələi, diɛ Yálá laa tɛ di mąąwiɛ diɛ lúwó kɛ mą nwɔ̨n nən ti hu, diɛ kɛ mą: 52 Lúwó ə kɛ yɛ́, Nąmu, ku nąnni di wɔ Yálá! Ə́ laa ə tɛ, ə tɛ lɔ wɔ! Ɛlɛɛ, lúwó ə kɛ ə́ laa mąąhəɠɛɛ mąąɲinɛ̨n ma, Laa tɛ ə kɛ mą, ə kɛ lɔ mą wɔ! 53 Lúwó ə kɛ yɛ́, ə́ mąąɲinɛ̨n ɉee pɛ́lɛ́ mąąhəɠɛɛ mu, Laa tɛ da mąąwiɛ di kɛ lɔ mą wɔ! 54 Lúwó ə kɛ yɛ́, yɛ́i heeni mąąkpɛ malakaɠaa mɛ̨i, yɛ́ lɔi mu yáɠaa kpɔn ɉu mąąkpɛɛ. Laa tɛ ə kɛ mą, ə kɛ lɔ mą wɔ! 55 Lúwó ə kɛ yɛ́, yɛ́ tɔɔkpəlin hu, Laa tɛ da mąąwiɛ di kɛ lɔ mą wɔ! 56 Lúwó ə kɛ yɛ́ yələ kwəi pələ Laa tɛ da mąąwiɛ di kɛ lɔ mą wɔ! 57 Nąmu kɛ tiíɠaa di lúwó kɛ Nąmu ɓa. Laa tɛ da mąąwɛ di kɛ lɔ mą wɔ! 58 Yələ kɔlɔn ɉu ká lúwó kɛ Nąmu ɓa. 59 Nąmu ŋą malakaɠaa, 'ká lúwó kɛ Nąmu ɓa. Laa tɛ ə kɛ mą, ə kɛ lɔ mą wɔ! 60 Yələ kɔlɔn mɛ̨i pələ yáɠaa 'ká lúwó kɛ Nąmu ɓa. Laa tɛ ə kɛ mą, ə kɛ lɔ mą wɔ! 61 Nąmu nwɔ kɔlaɠaɠaa, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 62 Hvóló da ɲąnin 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 63 Yələkwəi pɛmɛ̨lɛ̨n gɔwɠaa 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 64 Tulɔ da nąnąąn 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 65 Hvaŋą huwu kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 66 Nwɔ̨n da hɛn kpɔ a kələn mo kɛ, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 67 Kwɛ́lɛ́ da wəleen, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 68 Nɛ̨nyá da hanwon-dulɔ, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 69 Kwihɛą da yələɓoɔ, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 70 Kɛɛpono da kpini, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 71 Luwuluwu da kwɛni ɓa yá, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 72 Yá kpuwulu da kwɛlɛ kpuwulu, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 73 Mąną-mąną da tulɔ kpinin, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 74 Lɔi lúwɔ́ kɛ Nąmu ɓa. Ə gɛ mą ə naa tɛ kpɛɛ hva kɛ mą. 75 Yee kpɛa-kpɛaa da yee kpu-kpuɠaa, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 76 Lɔi mɛ̨i wuluɠaa kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 77 Gboloyá da yákpɛa-kpɛaa kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 78 Yá nwun gulɔiɠaa, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 79 Hɔ̨nwɔ̨lee kpɛa-kpɛaa da yái huwɔɠaa, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 80 Yələi nwɛ̨niɠaa kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 81 Lɔwɔ huwɔɠaa da tala huwɔɠaa, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 82 Yɛnɛ̨ɛ̨ nukanŋaa kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 83 Israɛlə lonnii, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 84 Halaa laa həli nuą, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 85 Nąmu ŋą tínuą kəlee, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 86 Tələnmo nuą kili da di kili, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 87 Nu mąąhəɠɛɛɠaa da kpɔwɔ mąąyɛɛ nuą, 'ká lúwɔ́ kɛ Nąmu ɓa. Laa tɛ ə kɛ mą, ə kɛ lɔ mą wɔ! 88 Hanania, Azaria da Misaɛlə, 'ká lúwɔ́ kɛ Nąmu ɓa. Gbala ə tɔɔ, aa gu kulɔ ɉahanąmą, ɛlɛɛ, aa gu nwun mąąɓo haa yəi, aa gu kulɔ huluun nwɔ̨n ɉu, aa gu kulɔ nwɔ̨n nən gɛnɛ̨ yəi, aa gu kulɔ nwɔ̨n gbɔlu yɛhɛ-yɛhɛ hu. 89 'Ká Nąmu laa tɛ, gbala ə tɔɔ nwɔ mɛ̨ni lɛlɛi, hvó gaai, nwɔ nu ɲɛ̨imąąwɛli kaa, ɲɛ̨n teei hvo mą! 90 Káái kpɔ ka kwɛli hvilɛn Nąmu ɓa, 'ká lúwɔ́ kɛ yáláɠaa di wɔ Yálá ɓa. 'Ká naa tɛ́, 'ká ɉɛɠɛɛɓo, Mąąhɔlɔɓo, nwɔ nu ɲɛ̨imąąwɛli kaa ɲɛ̨n deei hvo mą. |