Jóel 3 - Biblían (2007)

Dagur Drottins

¹ Síðar mun ég úthella anda mínum yfir alla menn. Synir yðar og dætur munu spá, gamalmenni yðar mun dreyma drauma og ungmenni yðar munu fá vitranir,

² jafnvel yfir þræla og ambáttir mun ég úthella anda mínum á þeim dögum.

³ Og tákn mun ég láta verða á himni og jörð: blóð, eld og reykjarstróka.

⁴ Sólin verður myrk og tunglið sem blóð áður en dagur Drottins kemur, hinn mikli og ógurlegi.

⁵ En hver sem ákallar nafn Drottins verður hólpinn. Á Síonarfjalli og í Jerúsalem munu nokkrir lifa af eins og Drottinn hefur heitið. Hver sem ákallar nafn Drottins mun frelsast.