Psalmyn 6 - Yn Vible Casherick 1775 1819

PSAL. VI

¹ O Hiarn, ny cur oghsan dooys ayns dty chorree: chamoo smaghtee mee ayns dty yymmoose.

² Jean myghin orrym, O Hiarn, son ta mee annoon: O Hiarn, slaanee mee, son ta my chraueyn seaghnit.

³ Ta sou-aigney trome myrgeddin orrym: agh, Hiarn, caïd nee oo mish y cherraghey?

⁴ Chyndaa uss, O Hiarn, as livrey m’annym: O saue mee er graih dty vyghinyn.

⁵ Son ayns baase cha vel dooinney erbee cooinaghtyn ort’s: as quoi ver moylley dhyt’s ayns yn oaie?

⁶ Ta mee deinagh lesh gaccan; dy chooilley oie ta mee gushtaghey my lhiabbee: as fluighey my lhiabbee: as fluighey my lhiaght lesh my yeïr.

⁷ Ta my aalid er n’immeeaght lesh eer seaghyn: as er ny lheïe ersooyl kyndagh rish ooilley my noidyn.

⁸ Ersooyl voym shiuish ooilley ta gobbraghey molteyrys: son ta’n Chiarn er chlashtyn coraa my ghobberan.

⁹ Ta’n Chiarn er chlashtyn my accan: nee’n Chiarn soiaghey jeh my phadjer.

¹⁰ Bee ooilley my noidyn er nyn stroie as dy trome seaghnit: chyndaa-ee ad nyn gooyl, as hig ad gys nearey doaltattym.