Psalmyn 16 - Yn Vible Casherick 1775 1819

PSAL. XVI

¹ Jean m’y choadey, O Yee: son aynyd’s ta mee er choyrt my hreishteil.

² O m’annym, t’ou er ghra rish y Chiarn: Uss my Yee, cha vel my chooid-seihlt, dy ve soylit hood’s.

³ Ta ooilley my haitnys er ny nooghyn t’er y thalloo: as er nyn lheid as ta dy firrinagh crauee.

⁴ Agh adsyn ta geiyrt er Jee elley: yiow seaghyn mooar.

⁵ Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

⁶ Yn Chiarn hene toghyr my eiraght, as my chappan: nee uss my chronney y yannoo mie.

⁷ Ta my chronney er duittym ayns cheer aalin: dy feer, ta aym eiraght ooasle.

⁸ Ver-yms booise da’n Chiarn son raaue y choyrt dou: ta my veeghyn neesht dy my choyrlaghey er imbagh ny hoie.

⁹ Ta mee er hoiaghey Jee kinjagh kiongoyrt rhym: son t’eh er my laue yesh, shen-y-fa cha jean-ym tuittym.

¹⁰ Shen-y-fa va my chree gennal as my ghloyr lane dy voggey: nee my challin myrgeddin goaill fea ayns treishteil.

¹¹ Son cre’n-fa? cha vaag uss m’annym ayns stayd ny merriu: chamoo lhiggys oo da dt’er-casherick hene dy akin loauys.

¹² Nee uss soilshaghey dou raad y vea; ayns dt’enish ta laanid dy voggey: as er dty laue yesh ta eunys er son dy bragh.