Psalmyn 137 - Yn Vible Casherick 1775 1819PSAL. CXXXVII 1 Liorish awinyn Vabylon hoie shin sheese as cheayn shin: tra ren shin smooinaghtyn ort’s, O Sion. 2 Er son ny claasaghyn ain, hrogh shin ad seose: er ny biljyn ta ayns shen. 3 Son adsyn ren shin y leeideil ayns cappeeys, hir ad orrin arrane, as bingys ayns nyn drimshey: Gow-jee dooinyn unnane dy arraneyn Sion. 4 Kys oddys mayd arrane y Chiarn y ghoaill: ayns cheer yoarree? 5 My yarrood-yms uss O Yerusalem: lhig my laue yesh jarrood e schleï. 6 Mannagh gooin-yms ort’s, lhig da my hengey lhiantyn gys druntyn my veeal: dy jarroo mannagh vel mee soiaghey jeh Jerusalem erskyn dy chooilley voggey elley. 7 Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo. 8 O inneen Vabylon, kiarit son toyrt-mow: s’maynrey vees y dooinney nee uss y chooilleeney myr t’ou er hirveish shinyn. 9 Bannit vees eshyn ghoys dty chloan: as hilgys ad noi ny claghyn. |
First published in 1775, revised and published by the British and Foreign Bible Society in 1819.
British & Foreign Bible Society