Psalmyn 134 - Yn Vible Casherick 1775 1819PSAL. CXXXIV 1 Cur-jee my-ner nish, moylley-jee yn Chiarn: ooilley shiuish sharvaantyn y Chiarn; 2 Shiuish ta ’syn oie shassoo [shirveish] ayns thie yn Chiarn: dy jarroo ayns cooyrtyn thie yn Jee ain. 3 Trog-jee seose nyn laueyn ayns yn ynnyd casherick: as cur-jee moylley da’n Chiarn. 4 Dy jean y Chiarn, chroo niau as thalloo: bannaght y choyrt dhyt’s veih Sion. |
First published in 1775, revised and published by the British and Foreign Bible Society in 1819.
British & Foreign Bible Society