Psalmyn 13 - Yn Vible Casherick 1775 1819

PSAL. XIII

¹ Caïd nee oo my yarrood, O Hiarn, nee son dy bragh? caïd nee oo follaghey dt’eddin voym?

² Caïd nee’m coyrle y hirrey ayns m’annym, as ve cha seaghnit ayns my chree: caïd vees my noidyn boggyssagh harrym?

³ Smooinee orrym, as eaisht rhym, O Hiarn my Yee: soilshee my hooillyn, nagh gadlym ayns baase;

⁴ Er-aggle dy jir my noid, Ta mee er gheddyn y varriaght er: son my vee’m er my hilgey sheese, nee adsyn ta dy my heaghney boggey ’ghoaill jeh.

⁵ Agh ta my hreishteil ayns dty vyghin: as nee my chree boggey ’ghoaill ayns dty haualtys.

⁶ Neem’s arrane y ghoaill jeh’n Chiarn, son dy vel eh er ghellal rhym er aght cha graihagh: dy jarroo ver-ym moylley da ennym y Chiarn smoo ard.