Psalmyn 128 - Yn Vible Casherick 1775 1819PSAL. CXXVIII 1 Bannit t’adsyn ooilley ta goaill aggle roish y Chiarn: as ta gimmeeaght ayns e raaidyn. 2 Son nee oo gee jeh laboraght dty laueyn: O s’mie t’ou, as s’maynrey vees oo. 3 Bee dty ven myr y billey-feeyney messoil, er voallaghyn dty hie; 4 Dty chloan goll-rish ny banglaneyn-olive: mygeayrt-y-mysh dty voayrd. 5 Cur-my-ner, myr shoh vees y dooinney bannit: ta goaill aggle roish y Chiarn. 6 Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea; 7 Dy jarroo, dy vaik oo cloan dty chlienney: as shee er Israel. |
First published in 1775, revised and published by the British and Foreign Bible Society in 1819.
British & Foreign Bible Society