Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Psalmyn 126 - Yn Vible Casherick 1775 1819


PSAL. CXXVI

1 Tra hug y Chiarn chyndaa da cappeeys Sion: eisht va shin goll-rish sleih va dreamal.

2 Eisht va nyn meeal lhieent lesh gennallys: as y chengey ain lesh boggey.

3 Shen y traa dooyrt ad mastey ny ashoonee: Ta’n Chiarn er n’yannoo reddyn mooarey er ny son oc.

4 Ta’n Chiarn, dy feer, er n’yannoo hannah reddyn yindyssagh er nyn son: jeu ta shin goaill boggey.

5 Cur chyndaa da’n chappeeys ain, O Hiarn: myr da ny awinyn ayns y jiass.

6 Adsyn ta cuirr ayns jeïr: nee ad buinn ayns boggey.

7 Eshyn ta nish goll er e hoshiaght keayney, as ta cuirr rass mie: hig eh reesht dyn dooyt lesh gennallys, as ver eh lesh e vunneeyn mârish.

First published in 1775, revised and published by the British and Foreign Bible Society in 1819.

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ