Psalmyn 123 - Yn Vible Casherick 1775 1819

PSAL. CXXIII

¹ Hood’s ta mee troggal seose my hooillyn: O uss ta cummal ayns ny niaughyn.

² Cur-my-ner, myr ta sooillyn ny fir-vooinjerey jeeaghyn gys laue nyn mainshtyr, as myr ta sooillyn yn inney-veyl gys laue e ben-ainshtyr: dy jarroo myr shen ta ny sooillyn ainyn farkiaght er y Chiarn nyn Yee, derrey nee eh myghin orrin.

³ Jean myghin orrin, O Hiarn, jean myghin orrin: son cha vel veg edyr dy hoiaghey j’in.

⁴ Ta nyn annym lhieent lesh oltooan craidoilagh ny berchee: as lesh goanlys ny mooaralee.