Psalmyn 122 - Yn Vible Casherick 1775 1819PSAL. CXXII 1 S’mooar va my voggey tra dooyrt ad rhym: Nee mayd goll gys thie’n Chiarn. 2 Shassee ny cassyn ainyn ayns dty yiattyn: O Yerusalem. 3 Ta Jerusalem troggit myr ard-valley: ta ec unnaneys ayn hene. 4 Son gys shen ta ny kynneeyn goll seose, dy jarroo kynneeyn y Chiarn: dy ymmyrkey feanish da Israel, dy choyrt booise da ennym y Chiarn. 5 Son shen y raad ta stoyl y vriwnys: dy jarroo stoyl-reeoil lught-thie Ghavid. 6 O guee-jee son shee Yerusalem: nee adsyn bishaghey ta graihagh ort. 7 Shee dy row cheu-sthie jeh dty voallaghyn: as sonnys cheu-sthie jeh dty chooyrtyn. 8 Er graih my vraaraghyn as my heshaghyn dooie: guee-ym son dty vaynrys. 9 Dy jarroo, son graih chiamble y Chiarn nyn Yee: shir-ym dy choyrt dty vie er y hoshiaght. |
First published in 1775, revised and published by the British and Foreign Bible Society in 1819.
British & Foreign Bible Society