Psalmyn 121 - Yn Vible Casherick 1775 1819

PSAL. CXXI

¹ Trog-ym seose my hooillyn gys ny croink: vouesyn ta my chooney cheet.

² Ta my chooney cheet dy feer veih’n Chiarn: t’er chroo niau as thalloo.

³ Cha lhig eh da dty chass dy v’er ny scughey: as cha jean eshyn cadley ta dt’endeil.

⁴ Cur-my-ner, cha jean eshyn ta freayll Israel: saveenagh ny cadley.

⁵ Ta’n Chiarn hene dt’endeilagh: ta’n Chiarn dty niart er dty laue yesh.

⁶ Myr shen nagh jean chiass ny greïney oo y lostey ’sy laa: ny’n eayst ’syn oie.

⁷ Nee’n Chiarn uss y choadey veih dy chooilley olk: dy jarroo eshyn eh nee dty annym y reayll.

⁸ Freillee yn Chiarn dty gholl magh as dty heet stiagh: veih’n traa shoh magh er son dy bragh.