Psalmyn 120 - Yn Vible Casherick 1775 1819PSAL. CXX 1 Tra va mee ayns seaghyn deïe mee gys y Chiarn: as ren eh m’y chlashtyn. 2 Livrey m’annym’s, O Hiarn, veih meillyn breagagh: as veih chengey molteyragh. 3 Cre’n leagh vees er ny choyrt ny er ny yannoo dhyt’s, O hengey oalsey: dy jarroo sideyn lajer as gyere, lesh smarageyn jiarg loshtee. 4 Smerg dou dy vel mee êginit dy chummal marish Mesech: as dy vel my ynnyd-vaghee mastey cabbaneyn Kedar! 5 Ta m’annym’s er chummal foddey ny-vud ocsyn: ta nyn noidyn da shee. 6 Ta mee streeu son shee, agh cha vel mee ny sleaie loayrt roosyn jeh shen: nagh vel ad jannoo ad-hene aarloo gys caggey. |
First published in 1775, revised and published by the British and Foreign Bible Society in 1819.
British & Foreign Bible Society