Psalmyn 114 - Yn Vible Casherick 1775 1819PSAL. CXIV 1 Tra haink Israel magh ass Egypt: as thie Yacob veih mastey’n pobble joarree, 2 Va Judah e ynnyd casherick: as Israel e reeriaght. 3 Honnick y faarkey shoh, as ren eh chea: va Jordan er ny imman noi’n choorse. 4 Ren ny sleityn lheim myr reaghyn: as ny croink veggey myr eayin. 5 Cre haink ort’s, O aarkey, dy ren oo chea: as ort’s, Yordan, dy row er dty imman back? 6 Shiuish sleityn dy lheim shiu myr reaghyn: as shiuish chroink veggey myr eayin? 7 Bee er-creau, uss halloo, ec fenish y Chiarn: ec fenish Jee Yacob; 8 Hyndaa yn chreg chreoi gys poyll-ushtey: as y chlagh-flint gys chibbyr gheill. |
First published in 1775, revised and published by the British and Foreign Bible Society in 1819.
British & Foreign Bible Society