Joshua 12 - Yn Vible Casherick 1775 1819

CAB. XII

¹ Nish ad shoh reeaghyn ny cheerey, orroo hooar cloan Israel y varriaght, as nyn dhalloo ren ad y ghoaill er cheu elley dy Yordan, lesh irree ny greïney; veih awin Arnon gys cronk Hermon, as ooilley’n strah cheu-har.

² Sihon ree ny Amoriteyn, va cummal ayns Heshbon, e reill va veih Aroer, t’er broogh awin Arnon, as veih mean yn awin, ta shen, lieh Ghilead choud as awin Yabbok, ta cagliagh cloan Ammon;

³ As veih’n strah gys faarkey Cinneroth, cheu-har, as gys faarkey’n strah, shen y Faarkey Sailjey cheu-har, raad Veth-jeshimoth; as veih’n jiass, fo Ashdoth-pisgah

⁴ As ard Og ree Vashan, va jeh sluight ny foawir, va goaill ec Ashtaroth, as ec Edrei,

⁵ As va reill ayns cronk Hermon, as ayns Salcah, as ayns ooilley Bashan, gys cagliagh ny Geshuriteyn, as ny Maachathiteyn, as lieh Ghilead, ardjyn Sihon ree Heshbon.

⁶ Ad shoh ren Moses sharvaant y Chiarn as cloan Israel y woalley: as hug Moses sharvaant y Chiarn shoh son eiraght da ny Reubeniteyn, as ny Gaditeyn, as lieh-tribe Vanasseh.

⁷ As shoh reeaghyn y cheer ren Joshua as cloan Israel y woalley er y cheu shoh dy Yordan er y cheu-heear, veih Baal-gad ayns coan Lebanon eer gys ny sleityn caglee, lesh Seir, hug Joshua da tribeyn Israel son eiraght, myr v’ad er nyn rheynn:

⁸ Ayns ny sleityn, as ny coanyn, as ny strahghyn, as ny farraneyn, as ’syn aasagh, as ayns y cheer-jiass; ny Hittiteyn, ny Amoriteyn, as ny Canaaniteyn, ny Perizziteyn, ny Hiviteyn, as ny Jebusiteyn.

⁹ Ree Yericho, unnane; ree Ai, ta liorish Beth-el, unnane;

¹⁰ Ree Yerusalem, unnane; ree Hebron, unnane;

¹¹ Ree Yarmuth, unnane; ree Lachish, unnane;

¹² Ree Eglon, unnane; ree Ghezer, unnane;

¹³ Ree Debir, unnane; ree Gheder, unnane;

¹⁴ Ree Hormah, unnane; ree Arad, unnane;

¹⁵ Ree Libnah, unnane; ree Adullam, unnane;

¹⁶ Ree Vakkedah, unnane; ree Veth-el, unnane;

¹⁷ Ree Tappuah, unnane; ree Hepher, unnane;

¹⁸ Ree Aphek, unnane; ree Lasharon, unnane;

¹⁹ Ree Vadon, unnane; ree Hazor, unnane;

²⁰ Ree Shimron-meron, unnane; ree Achshaph, unnane;

²¹ Ree Taanach, unnane; ree Vegiddo, unnane;

²² Ree Kedesh, unnane; Jokneam jeh Carmel, unnane;

²³ Ree Dor ayns slyst Dor, unnane; ree ashoonyn Ghilgal, unnane;

²⁴ Ree Tirzah, unnane; Ooilley ny reeaghyn unnane-jeig as feed.