Genesis 36 - Yn Vible Casherick 1775 1819

CAB. XXXVI

¹ Nish ad shoh sheelogheyn Esau, shoh Edom.

² Ghow Esau e vraane jeh inneenyn Chanaan: Adah inneen Elon yn Hittite, as Aholibamah inneen Anah, inneen Zibeon yn Hivite.

³ As Bashemath inneen Ishmael, shuyr da Nebajoth.

⁴ As dymmyrk Adah da Esau, Eliphaz: as Bashemath dymmyrk ee Ruel.

⁵ As dymmyrk Aholibamah Jeush, as Jaalam, as Korah: ad shoh mec Esau, va ruggit da ayns cheer Chanaan.

⁶ As ghow Esau e vraane, as e vec, as e inneenyn, as ooilley e vooinjer, as e vaase, as ooilley e veiyn as ooilley e chooid, v’eh er gheddyn ayns cheer Chanaan: as jimmee eh ass y cheer, veih eddin e vraar Jacob.

⁷ Son va’n verchys oc ny smoo, na va reamys oc dy chummal cooidjagh: as cha row room ’sy cheer, raad v’ad ny yoarreeyn, dy ghoaill roo, son earroo nyn maase.

⁸ Er-yn-oyr shoh chum Esau ayns slieau Seir: ta Esau Edom.

⁹ As ad shoh sheelogheyn Esau, ayr ny Edomiteyn, ayns slieau Seir.

¹⁰ Shoh enmyn mec Esau: Eliphaz mac Adah ben Esau, Ruel mac Bashemath ben Esau.

¹¹ As mec Eliphaz va Teman, Omar, Zepho, as Gatam, as Kenaz.

¹² As va Timna co-lhiabbagh Eliphaz mac Esau; as dymmyrk ee da Eliphaz, Amalek: v’ad shoh mec da Adah, ben Esau.

¹³ As ad shoh mec Ruel; Nahath, as Zerah, Shammah, as Mizzah: v’ad shoh mec Bashemath ben Esau.

¹⁴ As ad shoh va mec Aholibamah inneen Anah, inneen Zibeon, ben Esau: as dymmyrk ee da Esau, Jeush, as Jaalam, as Korah.

¹⁵ V’ad shoh dukeyn jeh mec Esau: mec Eliphaz mac shinney Esau: duke Teman, duke Omar, duke Zepho, duke Kenaz,

¹⁶ Duke Korah, duke Gatam, as duke Amalek: Ad shoh ny ard-leeideilee haink jeh Eliphaz, ayns thalloo Edom: v’ad shoh mec Adah.

¹⁷ As ad shoh mec Ruel, mac Esau; duke Nahath, duke Zerah, duke Shammah, duke Mizzah. As shoh ny ard-leeideilee haink jeh Ruel, ayns cheer Edom: ad shoh mec Bashemath, ben Esau.

¹⁸ As ad shoh mec Aholibamah, ben Esau; duke Jeush, duke Jaalam, duke Korah; ad shoh va ny ard-leeideilee haink jeh Aholibamah inneen Anah, ben Esau.

¹⁹ Ad shoh mec Esau [ta Edom] as ad shoh nyn ard-leeideilee.

²⁰ Ad shoh mec Seir yn Horite, va cummaltee yn cheer; Lotan, as Shobal, as Zibeon, as Anah,

²¹ As Dishon, as Ezer, as Dishan: ad shoh ard-leeideilee ny Horiteyn, cloan Seir ayns cheer Edom.

²² As cloan Lotan, va Hori, as Heman: as shuyr Lotan va Timna.

²³ As cloan Shobal v’ad shoh; Alvan, as Manahath, as Ebal, Shepho, as Onam.

²⁴ As ad shoh cloan Zibeon; chammah Ajah as Anah: shoh yn Anah shen hooar magh ny muleyn ’syn aasagh, myr v’eh goaill kiarail jeh assylyn Zibeon e ayr.

²⁵ As cloan Anah v’ad shoh: Dishon, as Aholibamah inneen Anah.

²⁶ As ad shoh cloan Dishon; Hemdan, as Eshban, as Ithran, as Cheran.

²⁷ Cloan Ezer, ad shoh; Bilhan, as Zaavan, as Achan.

²⁸ Cloan Dishan ad shoh; Uz as Aran.

²⁹ Shoh ny dukeyn haink jeh ny Horiteyn; duke Lotan, duke Shobal, duke Zibeon, duke Anah.

³⁰ Duke Dishon, duke Ezer, duke Dishan: ad shoh ny dukeyn haink jeh Hori, mastey ny dukeyn oc, ayns thalloo Seir.

³¹ As ad shoh ny reeaghyn, va reill ayns cheer Edom, roish my row ree erbee harrish cloan Israel.

³² As ren Bela mac Beor reill ayns Edom, as va ennym yn ard-valley echey Dinhabah.

³³ As hooar Bela baase, as ren Jobab mac Zerah jeh Bosrah reill ’syn ynnyd echey.

³⁴ As hooar Jobab baase, as ren Husham jeh cheer Temani, reill ’syn ynnyd echey.

³⁵ As hooar Husham baase, as ren Hadad mac Bedad, [woaill Midian ayns magher Voab], reill ’syn ynnyd echey: as va ennym yn ard-valley echey Avith.

³⁶ As hooar Hadad baase, as ren Samlah jeh Masrekah reill ’syn ynnyd echey.

³⁷ As hooar Samlah baase, as ren Saul jeh Rehoboth liorish yn awin reill ’syn ynnyd echey.

³⁸ As hooar Saul baase, as ren Baal-hanan mac Achbor reill ’syn ynnyd echey.

³⁹ As hooar Baal-hanan mac Achbor baase, as ren Hadar reill ’syn ynnyd echey: as va ennym yn ard-valley echey Pau; as va ennym yn ven echey Mehetabel, inneen Matred, inneen Mezahab.

⁴⁰ As shoh enmyn ny dukeyn haink jeh Esau, cordail rish ny kynneeyn oc, lurg nyn ynnydyn, liorish nyn enmyn; duke Timnah, duke Alvah, duke Jetheth,

⁴¹ Duke Aholibamah, duke Elah, duke Pinon,

⁴² Duke Kenaz, duke Teman, duke Mibzar,

⁴³ Duke Magdiel, duke Iram: ad shoh dukeyn Edom, cordail rish nyn gummallyn ayns cheer nyn eiraght: shoh Esau ayr ny Edomiteyn.