Ezra 2 - Yn Vible Casherick 1775 1819

CAB. II

¹ Nish, ad shoh cloan y rheam, ren chyndaa veih’n chappeeys, eer y chloan ocsyn, va Nebuchadnezzar ree Vabylon er choyrt lesh ersooyl gys Babylon, as va nish er jeet reesht gys Jerusalem as Judah, dagh unnane gys e valley hene;

² Haink marish Zerubbabel: Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, Baanah. Earroo deiney pobble Israel.

³ Cloan Parosh, daa housane hoght-feed as ghaa-yeig.

⁴ Cloan Shephatiah, three cheead three-feed as ghaa-yeig.

⁵ Cloan Arah, shiaght cheead three-feed as queig-jeig.

⁶ Cloan Pahath-moab, jeh cloan Yeshua as Yoab, daa housane hoght cheead as ghaa-yeig.

⁷ Cloan Elam, thousane daa cheead as kiare-jeig as da-eed.

⁸ Cloan Zattu, nuy cheead queig as da-eed.

⁹ Cloan Zaccai, shiaght cheead as three-feed.

¹⁰ Cloan Bani, shey cheead jees as da-eed.

¹¹ Cloan Bebai, shey cheead as three as feed.

¹² Cloan Azgad, thousane daa cheead as jees as feed.

¹³ Cloan Adonikam, shey cheead three-feed as shey.

¹⁴ Cloan Bigvai, daa housane shey-jeig as da-eed.

¹⁵ Cloan Adin, kiare cheead kiare-jeig as da-eed.

¹⁶ Cloan Ater jeh Hezekiah, kiare-feed as hoght-jeig.

¹⁷ Cloan Bezai, three cheead three as feed.

¹⁸ Cloan Jorah, keead as ghaa-yeig.

¹⁹ Cloan Hashum, daa cheead as three as feed.

²⁰ Cloan Gibbar, kiare-feed as queig-jeig.

²¹ Cloan Veth-lehem, keead as three as feed.

²² Deiney Netophah, shey-jeig as da-eed.

²³ Deiney Anathoth, keead as hoght as feed.

²⁴ Cloan Azmaveth, jees as da-eed.

²⁵ Cloan Kirjath-arim, Chephirah, as Beeroth, shiaght cheead as three as da-eed.

²⁶ Cloan Ramah as Gaba, shey cheead as unnane as feed.

²⁷ Deiney Michmas, shey-feed as unnane.

²⁸ Deiney Beth-el as Ai, daa cheead three as feed.

²⁹ Cloan Nebo, ghaa-yeig as da-eed.

³⁰ Cloan Magbish, keead shey-jeig as da-eed.

³¹ Cloan yn Elam elley, thousane daa cheead kiare-jeig as da-eed.

³² Cloan Harim, three cheead as feed.

³³ Cloan Lod, Hadid as Ono, shiaght cheead as queig as feed.

³⁴ Cloan Yericho, three cheead queig as da-eed.

³⁵ Cloan Senaah, three thousaneyn shey cheead as jeih as feed.

³⁶ Ny saggyrtyn: cloan Yedaiah, jeh thie Yeshua, nuy cheead three-feed as three-jeig.

³⁷ Cloan Immer, thousane ghaa-yeig as da-eed.

³⁸ Cloan Pashur, thousane daa cheead as shiaght as da-eed.

³⁹ Cloan Harim, thousane as shiaght-jeig.

⁴⁰ Ny Leviteyn: cloan Yeshua, as Kadmiel, jeh cloan Hodaviah, three-feed as kiare-jeig.

⁴¹ Ny fir-chiaullee: cloan Asaph, keead as hoght as feed.

⁴² Jeh’n chloan ocsyn va currym ny giattyn orroo: cloan Shallum, cloan Ater, cloan Talmon, cloan Akkub, cloan Hatita, cloan Shobai, ayns ooilley keead nuy-jeig as feed.

⁴³ Ny Nethinimee: cloan Ziha, cloan Hasupha, cloan Tabbaoth,

⁴⁴ Cloan Keros, cloan Siaha, cloan Padon,

⁴⁵ Cloan Lebanah, cloan Hagabah, cloan Akkub,

⁴⁶ Cloan Hagab, cloan Shalmai, cloan Hanan,

⁴⁷ Cloan Giddel, cloan Gahar, cloan Reaiah,

⁴⁸ Cloan Rezin, cloan Nekoda, cloan Gazzam,

⁴⁹ Cloan Uzza, cloan Paseah, cloan Besai,

⁵⁰ Cloan Asnah, cloan Mehunim, cloan Nephusim,

⁵¹ Cloan Bakbuk, cloan Hakupha, cloan Harhur,

⁵² Cloan Bazluth, cloan Mehida, cloan Harsha,

⁵³ Cloan Barkos, cloan Sisera, cloan Thamah,

⁵⁴ Cloan Neziah, cloan Hatipha,

⁵⁵ Cloan fir-oik Solomon: cloan Sotai, cloan Sophereth, cloan Peruda,

⁵⁶ Cloan Jaalah, cloan Darkon, cloan Giddel,

⁵⁷ Cloan Shephatiah, cloan Hattil, cloan Pochereth jeh Zebaim, cloan Ami.

⁵⁸ Va ooilley ny Nethinimee as cloan fir-oik Solomon, three cheead kiare-feed as ghaa-yeig.

⁵⁹ As shoh v’adsyn hie seose veih Tel-melah, Tel-harsah, Cherub, Addan, as Immer; agh cha voddagh ad soilshaghey thie nyn ayrey, as nyn sluight dy ve jeh Israel.

⁶⁰ Cloan Delaiah, cloan Tobiah, cloan Nekoda, shey cheead ghaa-yeig as da-eed.

⁶¹ As jeh cloan ny saggyrtyn: cloan Habaiah, cloan Koz, cloan Barzillai (ghow ben jeh inneenyn Barzillai yn Gileadite, as hie eh fo’n ennym oc.)

⁶² Hir ad shoh ayns lioar nyn gynneeyn son coontey nyn gaardys, agh cha row ad ry-gheddyn: er-y-fa shen, v’ad chyndaït veih’n taggyrtys, myr neu-chooie son yn oik.

⁶³ As dooyrt yn Tirshatha roo, nagh row ad dy ghoaill ayrn ayns ny reddyn smoo casherick, derrey hassagh seose saggyrt lesh Urim as Thummim.

⁶⁴ Va slane earroo yn chaglym-cooidjagh daa housane as da-eed three cheead as three-feed.

⁶⁵ Marish ny fir-vooinjer as ny mraane-sharvaant, jeu shoh va shiaght thousaneyn three cheead shiaght-jeig as feed: as va nyn mast’ daa cheead kiaulleyder, deiney as mraane.

⁶⁶ Va ny cabbil oc, shiaght cheead shey-jeig as feed; ny muleyn, daa cheead da-eed as queig:

⁶⁷ Ny camelyn oc, kiare cheead queig-jeig as feed: nyn assylyn, shey thousaneyn shiaght cheead as feed.

⁶⁸ As ren paart jeh ny ard-ayraghyn, tra haink ad gys thie’n Chiarn, t’ec Jerusalem, chebbal dy arryltagh gour thie Yee, dy hoiaghey eh seose ayns e ynnyd.

⁶⁹ Hug ad, rere nyn booar, gys stoyr yn obbyr, three-feed as un thousane peesh dy airh, as queig thousane punt dy argid, as keead coamrey saggyrt.

⁷⁰ Shoh myr ren ny saggyrtyn as ny Leviteyn, as ayrn jeh’n pobble, as ny kiaulleyderyn, as gardyn ny giattyn, as ny Nethinimee, cummal ayns ny baljyn oc hene, as ooilley Israel ayns ny baljyn oc hene.