JOB 8 - Navarro-Labourdin Basque

¹ Orduan Baldad Suharrac ihardestean erran çuen:

² Noiz arteo minçaturen çare horrela, eta çure ahoco solasac içanen dira haice muthiria iduri?

³ Jaincoac çucembideari hobenic eguiten othe dio? Ahalorotacoac çucen dena iraulcen othe du?

⁴ Baldin çure semeec eguin badute ere haren contra bekatu, eta beren tzarqueriaren azpian utzi baditu;

⁵ Gucia gatic çu goicetic jaiquitzen baçare Jaincoa gana, eta othoizten baduçu Ahalorotacoa;

⁶ Baldin garbitasunean eta çucentasunean ibilcen baçare, berehala çutaratuco da eta baquea bihurtuco dio çure etcheari, han bici delacotz çucentasuna.

⁷ Hambat eguinen du, non çure lehembicico ontasunac ttipiac içan balira ere, azquenac gaindizca ethorrico baitira.

⁸ Bilha çaite iragan guiçamendeetan, artharequin ikar çaçu gure arbasoen orhoitzapena;

⁹ (Ecic atzocoac gure munduan eta deus ez daquigunac, ceren gure egunac lurrean baitira itzal bat iduri:)

¹⁰ Eta arbasoec arguituco çaituzte; minçatuco çaizquitzu, eta beren bihotzetic atheratuco dituzte solasac.

¹¹ Ihia bici othe daiteque hecetasunic gabe? ezpata-belharra uric ez den toquian?

¹² Lorean delaric oraino, eta escuz bildu aitzinean, iharcen da belhar guciac baino lehen.

¹³ Horiec dira Jaincoa ahanzten dutenen bideac; horrela galduco da itchuraz baicic ona ez denaren phesquiça.

¹⁴ Ez da laketuco bere çoroquerian; haren sinhesteac idurico du armiarma-sarea.

¹⁵ Bermatuco da bere etchearen gainean, eta etchea ez da gogor egonen; osticoac eçarrico diozca, eta ez da xutic egonen.

¹⁶ Iduri du, iguzquia aguertu baino lehen hece den belharra eta hura ilkitzean gandoa atheratzen duena;

¹⁷ Harri-metan usutzen çaizco erroac, eta harrien artean dago.

¹⁸ Atheratzen badute bere lekutic, lekuac ukatuco du, eta erranen dio: Ez haut eçagutzen.

¹⁹ Hori da ecen haren aphur bateco bozcarioa; berce belhar batzu haren orde sorcen dira lurretic.

²⁰ Jaincoac ez du iraiciren guiçon lainoa, ez-eta escua gaixtaguinari hedaturen,

²¹ Çure beguithartea bozcarioz eta ezpainac arraiciaz bethe ditecen arteo.

²² Orduan higüin cinduztenac, ahalquez estalico dira, eta gaixtaguinen etcheac ez du iharduquiren.