مزگینیا یوحەننای 18 - ئنجیلا پیرۆزگرتنا عیسای ( مەتتا 26:47-56 ؛ مەرقۆس 14:43-50 ؛ لوقا 22:47-53 ) 1 پشتی عیسای ئەڤ ئاخفتنە گۆتین، ل گەل شاگردێن خۆ دەركەفت و ژ نهالا قیدرۆن دەرباز بوون. ل وێرێ باغچەیەك هەبوو، ئینا ئەو و شاگردێن خۆ چوونە د ناڤ دا. 2 یەهودای ژی، ئەوێ بێبەختی لێ كری، ب وی جهی دزانی، چنكو گەلەك جاران عیسا ل گەل شاگردێن خۆ ل وێرێ كۆم دبوو. 3 ئینا یەهودای كۆمەكا سەربازان و زێرەڤانێن ژ لایێ سەرۆكێن كاهنان و فەریسیان ڤە ل گەل خۆ ئینان و ب چرا و خەتیرە و ب چەك ڤە هاتە وێرێ. 4 عیسای ب هەمی تشتێن كو دێ ب سەرێ وی هێن دزانی، ئەڤجا بەرەڤ وان چوو و گۆت: «هوین ل كێ دگەڕن؟» 5 وان بەرسڤ دا: «عیسایێ ناسیرەیی.» ئینا وی گۆتە وان: «ئەز ئەوم.» یەهودا ژی، ئەوێ بێبەختی لێ كری، ل گەل وان یێ راوەستیای بوو. 6 دەمێ وی گۆتیە وان «ئەز ئەوم،» پاشڤە زڤڕین و كەفتنە ئەردی. 7 عیسای جارەكا دی پرسیار ژ وان كر: «هوین ل كێ دگەڕن؟» وان بەرسڤ دا: «عیسایێ ناسیرەیی.» 8 عیسای بەرسڤ دا: «من گۆتە هەوە: ئەز ئەوم. ئەڤجا ئەگەر هوین ل من دگەڕن، بهێلن ئەڤە بچن.» 9 ئەڤێ روی دا، داكو ئەو پەیڤا وی گۆتی ب ج‍‌ھ بهێت: «ئەوێن تە داینە من، من كەس ژ وان ژ دەست نەدا.» 10 پاشی شەمعون پەترۆسی، ئەوێ كو شیرەك ڤێ بوو، شیر ئینا دەرێ و ڤەوەشاندە بەنیێ سەرۆككاهنی و گوهێ وی یێ راستێ ژێڤە كر. ناڤێ وی بەنی مەلخۆس بوو. 11 ئینا عیسای گۆتە پەترۆسی: «شیرێ خۆ بكە د كاڤلانی دا! ما ئەو پەرداغا بابی دایە من ڤەنەخۆم؟» عیسا ل بەرامبەری سەرۆككاهنی ( مەتتا 26:57-58 ؛ مەرقۆس 14:53-54 ؛ لوقا 22:54 ) 12 ئەڤجا تیپا سەربازان و سەرۆكێن وان و زێرەڤانێن جوهیان عیسا گرت و گرێ دا، 13 ل بەراهیێ ئەو برە نك حەننانی، كو خەزویرێ قەیافای بوو، ئەوێ كو ل وێ ساڵێ سەرۆككاهن بوو. 14 قەیافا ئەو بوو یێ شیرەت ل جوهیان كری كو چێترە كەسەك ژ پێخەمەتی مللەتی بمریت. پەترۆس بۆ جارا ئێكێ عیسای ماندەل (ئینكار) دكەت ( مەتتا 26:69-70 ؛ مەرقۆس 14:66-68 ؛ لوقا 22:55-57 ) 15 شەمعون پەترۆس و شاگردەكێ دی ل دویڤ عیسای دچوون. ئەو شاگرد ل نك سەرۆككاهنی یێ نیاس بوو، لەوما ئەو ل گەل عیسای چوو د حەوشا سەرۆككاهنی ڤە، 16 لێ پەترۆس ل نك دەرگەهی ژ دەرڤە ما راوەستیای. پاشی ئەو شاگردێ دی یێ سەرۆككاهنی دنیاسی، دەركەفت و ل گەل دەرگەهڤانێ ئاخفت و پەترۆس برە د ژۆرڤە. 17 كچكا دەرگەهڤان پرسیار ژ پەترۆسی كر و گۆتێ: «نەكو تۆ ژی ئێك ژ شاگردێن ڤی مرۆڤی بی؟» ئەوی بەرسڤ دا: «نەخێر.» 18 ژ بەر سەرمایێ، بەنی و زێرەڤانان ئاگرەك هەلكربوو و راوەستیابوون و خۆ گەرم دكر، پەترۆس ژی ل گەل وان یێ راوەستیای بوو خۆ گەرم دكر. سەرۆككاهن ڤەكۆلینێ ل گەل عیسای دكەت ( مەتتا 26:59-66 ؛ مەرقۆس 14:55-64 ؛ لوقا 22:66-71 ) 19 سەرۆككاهنی دەربارەی شاگردێن وی و فێركرنا وی پرسیار ژ عیسای كر. 20 عیسای بەرسڤ دا: «ئەز ب ئاشكرایی بۆ جیهانێ ئاخفتم و من هەردەم ل كنیشتەیان و ل پەرستگەهێ، ئەو جهێ هەمی جوهی لێ كۆم دبن، فێركرن دكر و من چ تشت ب دزی ڤە نەدگۆت. 21 ئەڤجا بۆچی تۆ پرسیارێ ژ من دكەی؟ پرسیارێ ژ وان بكە یێن ئەو ئاخفتن بهیستی یا من بۆ وان گۆتی، ئەو دزانن كا من چ گۆتیە.» 22 دەمێ عیسای ئەڤە گۆتی، ئێك ژ زێرەڤانان كو ل نێزیك وی یێ راوەستیای بوو، زللەهەك ل عیسای دا و گۆت: «ما هۆسا تۆ بەرسڤا سەرۆككاهنی ددەی؟» 23 عیسای بەرسڤا وی دا: «ئەگەر ئەز شاش ئاخفتبم، شاشیا من بسەلمینە، لێ ئەگەر راست بیت، تۆ بۆچی زللەهێ ل من ددەی؟» 24 ئەڤجا حەننانی ب گرێدایی ئەو هنارتە نك قەیافایێ سەرۆككاهن. پەترۆس بۆ جارا دوویێ و سێیێ عیسای ماندەل دكەت ( مەتتا 26:71-75 ؛ مەرقۆس 14:69-72 ؛ لوقا 22:58-62 ) 25 هێشتا شەمعون پەترۆس ل وێرێ یێ راوەستیای بوو خۆ گەرم دكر. وان پرسیار ژێ كر: «نەكو تۆ ژی ئێك ژ شاگردێن وی بی؟» ئەوی ماندەل كر و گۆت: «ئەز نە ژ وانم.» 26 ئینا ئێك ژ بەنیێن سەرۆككاهنی، كو خزمێ وی بەنی بوو یێ پەترۆسی گوهێ وی ژێڤە كری، گۆتێ: «ما من تۆ ل گەل وی د ناڤ باغچەی دا نەدیتی؟» 27 پەترۆسی جارەكا دی ماندەل كر، ئینا د ج‍‌ھ دا دیكلی بانگ دا. عیسا ل بەرامبەر پیلاتۆسی ( مەتتا 27:1-2 ، 11-14 ؛ مەرقۆس 15:1-5 ؛ لوقا 23:1-5 ) 28 جوهیان عیسا ژ مالا قەیافای برە كۆچكا حوكمڕانیێ، دەم ژی بەری سپێدێ بوو. ئەو ب خۆ نەچوونە د كۆچكا حوكمڕانیێ ڤە، دا نەهەڕمن و بشێن ژ شیڤا جەژنا دەربازبوونێ بخۆن. 29 ئینا پیلاتۆس بۆ وان دەركەفتە ژ دەرڤە و گۆت: «هوین ڤی زەڵامی ب چ گونەهبار دكەن؟» 30 وان بەرسڤا وی دا: «ئەگەر گونەهبار نەبا، مە رادەستی تە نەدكر.» 31 پیلاتۆسی گۆتە وان: «هوین ب خۆ ببەن و ل دویڤ دەستوورێ خۆ وی داد بكەن.» جوهیان بەرسڤا وی دا: «مە دەستهەلات نینە، ئەم كەسێ بكوژین.» 32 ئەڤە چێبوو داكو ئاخفتنا عیسای ب ج‍‌ھ بهێت، ئەوا ئاماژە پێ كریە وێ مرنا كو دێ پێ مریت. 33 پیلاتۆس دیسان چوو د ژۆرڤە و گازی عیسای كر و گۆتێ: «ئەرێ تۆ پاشایێ جوهیانی؟» 34 عیسای بەرسڤ دا: «تۆ ڤی تشتی ژ نك خۆ دبێژی یان هندەكێن دی بەحسێ من بۆ تە كریە؟» 35 پیلاتۆسی گۆت: «ما ئەز جوهیمە؟ مللەتێ تە و سەرۆكێن كاهنان تۆ یێ رادەستی من كری. تە چ كریە؟» 36 عیسای بەرسڤ دا: «پاشایەتیا من نە ژ ڤێ جیهانێیە. ئەگەر پاشایەتیا من ژ ڤێ جیهانێ با، دا خزمەتكارێن من شەڕی كەن، دا ئەز رادەستی جوهیان نەهێمە كرن. لێ پاشایەتیا من نە ژ ڤێرێیە.» 37 ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.» 38 پیلاتۆسی گۆتێ: «راستی چیە؟» پشتی ئەڤ چەندە گۆتی، جارەكا دی بۆ جوهیان دەركەفتە ژ دەرڤە و گۆت: «ئەز چ ئەگەران بۆ گونەهباركرنا وی نابینم، عیسا ب كوشتنێ دهێتە سزادان ( مەتتا 27:15-31 ؛ مەرقۆس 15:6-20 ؛ لوقا 23:13-25 ) 39 لێ هەوە نەریتەكێ هەی، كو ئەز ل جەژنا دەربازبوونێ بۆ هەوە گرتیەكی بەرددەم. ئەڤجا هەوە دڤێت ئەز بۆ هەوە پاشایێ جوهیان بەردەم؟» 40 د بەرسڤێ دا وان كرە قێڕی و گۆت: «نە ئەڤی، لێ باراباسی بەردە.» باراباس ژی قاچاخ بوو. |
All rights reserved.
Kurdish Literature Association