- उत्पत्ति 5 - Bundeli Holy Bible

आदम की बंसावली

¹ आदम की बंसावली कौ बिवरण जौ आय। जब यहोवा परमेसुर ने मान्‍स हों रचो तब अपनेई स्‍वरूप में ऊहों बनाओ।

² ऊने नर और नारी करके मान्‍सन हों रचो और उनहों आसीस दई, और उनके रचबे के दिना उनकौ नाओं आदम रखो।

³ जब आदम एक सौ तीस साल कौ भओ, तब ऊके द्वारा ओई जैसो ओई के स्‍वरूप के अनसार एक मोंड़ा पैदा भओ। ऊने ऊकौ नाओं शेत रखो।

⁴ शेत के पैदा होबे के बाद आदम आठ सौ साल लौ जियत रओ; और ऊके और भी मोंड़ा-मोंड़ियां पैदा भए।

⁵ ई तरहां आदम की पूरी उमर नौ सौ तीस साल की भई; ईके बाद ऊ मर गओ।

⁶ जब शेत एक सौ पांच साल कौ भओ, तब ऊसें एनोश पैदा भओ।

⁷ एनोश के पैदा होबे के बाद शेत आठ सौ साल लौ जियत रओ, और ऊके और भी मोंड़ा-मोंड़ियां पैदा भए।

⁸ ई तरहां शेत की पूरी उमर नौ सौ बारह साल की भई; ईके बाद ऊ मर गओ।

⁹ जब एनोश नब्‍बे साल कौ भओ, तब ऊसें केनान पैदा भओ।

¹⁰ केनान के पैदा होबे के बाद एनोश आठ सौ पन्‍द्रह साल लौ जियत रओ, और ऊके और भी मोंड़ा-मोंड़ियां पैदा भए।

¹¹ ई तरहां एनोश की पूरी उमर नौ सौ पांच साल की भई; ईके बाद ऊ मर गओ।

¹² जब केनान सत्तर साल कौ भओ, तब ऊसें महललेल पैदा भओ।

¹³ महललेल के पैदा होबे के बाद केनान एक सौ चालीस साल लौ जियत रओ, और ऊके और भी मोंड़ा-मोंड़ियां पैदा भए।

¹⁴ ई तरहां केनान की पूरी उमर नौ सौ दस साल की भई; ईके बाद ऊ मर गओ।

¹⁵ जब महललेल पैंसठ साल कौ भओ, तब ऊसें येरेद पैदा भओ।

¹⁶ येरेद के पैदा होबे के बाद महललेल आठ सौ तीस साल लौ जियत रओ, और ऊके और भी मोंड़ा-मोंड़ियां पैदा भए।

¹⁷ ई तरहां महललेल की पूरी उमर आठ सौ पंचानबे साल की भई; ईके बाद ऊ मर गओ।

¹⁸ जब येरेद एक सौ बासठ साल कौ भओ, तब ऊसें हनोक पैदा भओ।

¹⁹ हनोक के पैदा होबे के बाद येरेद आठ सौ साल लौ जियत रओ, और ऊके और भी मोंड़ा-मोंड़ियां पैदा भए।

²⁰ येरेद की पूरी उमर नौ सौ बासठ साल की भई; ईके बाद ऊ मर गओ।

²¹ जब हनोक पैंसठ साल कौ भओ, तब ऊसें मतूशेलह पैदा भओ।

²² मतूशेलह के पैदा होबे के बाद, हनोक तीन सौ साल लौ यहोवा परमेसुर के संगै-संगै चलत रओ, और ऊके और भी मोंड़ा-मोंड़ियां पैदा भए।

²³ ई तरहां हनोक की पूरी उमर तीन सौ पैंसठ साल की भई।

²⁴ हनोक यहोवा परमेसुर के संगै-संगै चलत हतो; फिन ऊ लोप हो गओ कायसे यहोवा परमेसुर ने ऊहों उठा लओ।

²⁵ जब मतूशेलह एक सौ सतासी साल कौ भओ, तब ऊसें लेमेक पैदा भओ।

²⁶ लेमेक के पैदा होबे के बाद मतूशेलह सात सौ बयासी साल लौ जियत रओ, और ऊके और भी मोंड़ा-मोंड़ियां पैदा भए।

²⁷ ई तरहां मतूशेलह की पूरी उमर नौ सौ उनहत्तर साल की भई; ईके बाद ऊ मर गओ।

²⁸ जब लेमेक एक सौ बयासी साल कौ भओ, तब ऊसें एक मोंड़ा पैदा भओ।

²⁹ ऊने जौ कहकें ऊकौ नाओं नूह रखो, “यहोवा परमेसुर ने जो पृथ्‍वी हों स्राप दओ आय, ऊके बारे में जौ मोंड़ा हमाए काम में, और ऊ कड़ी मेहनत में जो हम करत आंय, हमें सान्‍ति दैहै।”

³⁰ नूह के पैदा होबे के बाद लेमेक पांच सौ पंचानबे साल लौ जियत रओ, और ऊके और भी मोंड़ा-मोंड़ियां पैदा भए।

³¹ ई तरहां लेमेक की पूरी उमर सात सौ सतहत्तर साल की भई; ईके बाद ऊ मर गओ।

³² और नूह पांच सौ साल कौ हो गओ; और नूह सें शेम, हाम और येपेत पैदा भए।