- पैलो इतिहास 9 - Bundeli Holy Bible

बंधुआई सें लौटबेवारे लोगों की बंसावली

¹ ई तरहां सबरे इस्राएली अपनी अपनी बंसावली के अनसार, जौन इस्राएल के राजाओं के बारे में पोथी में लिखे आंय, गिने गए। यहूदा के मान्सन अपने बिसवासघात के कारन बन्‍दी बनाकें बेबीलोन पोंचाए गए।

² बंधुआई सें लौटकें जौन मान्‍स पैलां अपनी अपनी निज जमीन मतलब अपने नगरों में रैत हते, बे इस्राएली, याजक, लेवीय और यहोवा परमेसुर के भवन के सेवक हते।

³ यरूशलेम में कछु यहूदा के मान्सन, कछु बिन्‍यामीनी, और कछु एप्रैमी, और मनश्‍शेई, रैत हते:

⁴ मतलब यहूदा के मोंड़ा पेरेस के बंस में सें अम्‍मीहूद कौ मोंड़ा ऊतै हतो, अम्‍मीहूद जौन ओम्री कौ मोंड़ा और इम्री कौ पोता और बानी कौ परपोता हतो।

⁵ शीलोइयों में से ऊकौ जेठा मोंड़ा असायाह और ऊके मोंड़ा।

⁶ जेरह के बंस में सें यूएल, और इनके भईया, जे छै सौ नब्‍बे भए।

⁷ फिन बिन्‍यामीन के बंस में सें सल्‍लू जौन मशुल्‍लाम कौ मोंड़ा, होदव्‍याह कौ पोता, और हस्‍सनूआ कौ परपोता हतो।

⁸ यिबनाय्याह जौन यरोहाम कौ मोंड़ा हतो, और एला जौन उज्‍जी कौ मोंड़ा, और मिक्री कौ पोता हतो; और मशुल्‍लाम जौन शपत्‍याह कौ मोंड़ा, रूएल कौ पोता, और यिब्‍निय्‍याह कौ परपोता हतो;

⁹ और इनके भईया जौन अपनी अपनी बंसावली के अनसार मिलाकें नौ सौ छप्‍पन हते। जे सब मान्‍स अपने अपने स्‍यानों के घरानों के अनसार स्‍यानों के घरानों के मुखिया हते।

यरूशलेम में रैबेवारे याजक

¹⁰ याजकन में सें यदायाह, यहोयारीब और याकीन,

¹¹ और अजर्याह जौन यहोवा परमेसुर के भवन कौ परधान और हिलकिय्‍याह कौ मोंड़ा हतो, जौ मशुल्‍लाम कौ मोंड़ा, जौ सादोक कौ मोंड़ा, जौ मरायोत कौ मोंड़ा, जौ अहीतूब कौ मोंड़ा हतो;

¹² और अदायाह जौन यरोहाम कौ मोंड़ा हतो, जौ पशहूर कौ मोंड़ा, जौ मल्‍किय्‍याह कौ मोंड़ा, जौ मासै कौ मोंड़ा, जौ अदोएल कौ मोंड़ा, जौ जेरा कौ मोंड़ा, जौ मशुल्‍लाम कौ मोंड़ा, जौ मशिल्‍लीत कौ मोंड़ा, जौ इम्‍मेर कौ मोंड़ा;

¹³ और इनके भईया हते जौन अपने अपने स्‍यानों के घरानों में सत्रह सौ साठ मुखिया हते, बे यहोवा परमेसुर के भवन की सेवा के काम में बिलात माहिर हते।

यरूशलेम में रैबेवारे लेवीय

¹⁴ फिन लेवियों में सें मरारी के बंस में सें शमायाह, जौन हश्‍शूव कौ मोंड़ा, अज्रीकाम कौ पोता, और हशव्‍याह कौ परपोता हतो,

¹⁵ और बकबक्कर, हेरेश और गालाल; और आसाप के बंस में सें मत्तन्‍याह जौन मीका कौ मोंड़ा, और जिक्री कौ पोता हतो;

¹⁶ और ओबद्याह जौन शमायाह कौ मोंड़ा, गालाल कौ पोता और यदूतून कौ परपोता हतो; और बेरेक्‍याह जौन आसा कौ मोंड़ा, और एल्‍काना कौ पोता हतो, जौन नतोपाइयो के गांवों में रैत हतो।

यरूशलेम में रहबेवारे यहोवा परमेसुर के भवन के द्वारपाल

¹⁷ द्वारपालों में सें अपने अपने भईयों समेंत, शल्‍लूम, अक्‍कूब, तल्‍मोन, और अहीमान; इनमें सें मुखिया तौ शल्‍लूम हतो,

¹⁸ और ऊ अब लौ पूरब कुदाईं राजा के फाटक के लिगां द्वारपाली करत हतो। लेवियों की छावनी के द्वारपाल जेई हते।

¹⁹ शल्‍लूम जौन कोरे कौ मोंड़ा, एब्‍यासाप कौ पोता, और कोरह कौ परपोता हतो, और ऊके भईया जौन ऊके स्‍यानों के घराने के मतलब कोरही हते, बे ई काम के अधकारी हते कि बे तम्‍बू के द्वारपाल होंएं। उनके स्‍याने तौ यहोवा परमेसुर की छावनी के अधकारी, और प्रवेशद्वार के रखनवारे हते।

²⁰ पुराने जमाने में एलीआज़ार कौ मोंड़ा पीनहास, जीके संगै यहोवा परमेसुर रैत हतो, ऊ उनकौ परधान हतो।

²¹ मेशेलेम्‍याह कौ मोंड़ा जकर्याह मिलापवारे तम्‍बू के दरवाजे कौ द्वारपाल हतो।

²² जे सबरे जौन द्वारपाल होबे हों नबेरे गए, बे दो सौ बारह हते। जे जिनके पुरखाओं हों दाऊद और शमूएल दरशी ने बिसवासजोग जानकें ठैराओ हतो, बे अपने अपने गांवों में अपनी अपनी बंसावली के अनसार गिने गए।

²³ सो बे उनकी संतान यहोवा परमेसुर के भवन के फाटकों की रखनवारी बारी-बारी सें करत हते।

²⁴ द्वारपाल पूरब, पच्‍छिम, उत्तर, दक्‍खिन चारऊं दिसा की रखनवारी करत हते;

²⁵ और उनके भईया जौन गांवों में रैत हते, उनहों सात-सात दिना के बाद बारी बारी सें उनके संगै रैबे के लाने आने पड़त हतो,

²⁶ कायसे चारऊं परधान द्वारपाल जौन लेवीय हते, बे बिसवासजोग जानकें यहोवा परमेसुर के भवन की कुठरियों और भण्‍डारों के अधकारी ठैराए गए हते।

²⁷ बे यहोवा परमेसुर के भवन के आसपास ई लाने रात बितात हते कि उनकी रखनवारी उने दई गई हती, और हर रोज भुनसारे हों ऊहों खोलबो उनईं कौ काम हतो।

अन्‍य लेवीय

²⁸ उनमें सें कछु सेवा के बासनों के अधकारी हते, कायसे जे बासन गिनकें भीतर पोंचाएं, और गिनकें बायरें काड़े भी जात हते।

²⁹ उनमें सें कछु कुर्सी-चौकी के, और पवित्तर जागां के बासनों के, और मैदा, दाखमधु, तेल, लोबान और सुगन्‍धद्रव्‍यों के अधकारी बनाए गए हते।

³⁰ याजकों के मोंड़ों में सें कछु सुगन्‍धद्रव्‍यों कौ मिश्रण बनाबे कौ काम करत हते।

³¹ मतित्‍याह नाओं एक लेवीय जौन कोरही शल्‍लूम कौ जेठा हतो ऊहों बिसवासजोग जानकें तवा-कढ़ईया पै बनाई भई बस्‍तन कौ अधकारी ठैराओ गओ हतो।

³² ऊके भईयों मतलब कहातियों में सें कछु तौ भेंटवारी रोटी के अधकारी हते, कि हरएक बिश्रामदिना हों ऊहों तईयार करो करें।

³³ जे गवईये हते जौन लेवीय स्‍यानों के घरानों के मुखिया हते, और यहोवा परमेसुर के भवन के कमरों में रैत, और बाकी सबरे काम सें छूटे हते; कायसे बे दिन-रात अपने काम में लगे रैत हते।

³⁴ जेई अपनी अपनी पीढ़ी में लेवियों के स्‍यानों के घरानों में मुखिया हते, जे यरूशलेम में रैत हते।

राजा शाऊल की बंसावली

³⁵ गिबोन में गिबोन कौ बाप यीएल रैत हतो, जीकी घरवारी कौ नाओं माका हतो।

³⁶ ऊकौ जेठा मोंड़ा अब्‍दोन भओ, फिन सूर, कीश, बाल, नेर, नादाब,

³⁷ गदोर, अह्यो, जकर्याह और मिकलोत;

³⁸ और मिकलोत सें शिमाम पैदा भओ, और जे सोई अपने भईयों के सामूं अपने भईयों के संगै यरूशलेम में रैत हते।

³⁹ नेर सें कीश, कीश सें शाऊल, और शाऊल सें योनातान, मलकीशुआ, अबीनादाब और एशबाल पैदा भए;

⁴⁰ और योनातान कौ मोंड़ा मरीब्‍बाल भओ, और मरीब्‍बाल सें मीका पैदा भओ।

⁴¹ मीका के मोंड़ा: पीतोन, मेलेक, तहे, और अहाज;

⁴² और आहाज सें यारा, और यारा सें आलेमेत, अजमावेत और जिम्री, और जिम्री सें मोसा,

⁴³ और मोसा सें बिना पैदा भओ, और बिना कौ मोंड़ा रपायाह भओ, रपायाह कौ एलासा, और एलासा कौ मोंड़ा आसेल भओ।

⁴⁴ आसेल के छै मोंड़ा भए जिनके जे नाओं हते, मतलब अज्रीकाम, बोकरू, यिश्‍माएल, शार्याह, ओबद्याह, और हनान।