Pisomi 98 - U TIENU MAAMA TILI 2013

Pisomi 98

1 Pisomi.

¹ Pisomi. Yiini mani o Diedo po bu yanpanbu, Kelima o tieni mi bancianma, O nujienu leni o buagu yaagu N gagidi ki ŋani teni ke o paadi.

Pagi mani o Diedo yua n kpendi

² O Diedo waani o faabima, Ki doagidi o teginma i nibuoli po.

³ O tiadi o ŋanbili po Leni wan den tie dugika maama Isidayeli yaaba po. I tinbiani kuli laa Ti Tienu n faabi ti maama.

⁴ Yinba ki tinga nibuoli kuli, Yigini mani leni li pamanli o Diedo po! Kpaani mani leni li pamanli ki pagi o Diedo.

⁵ Yiini mani ti pagidi yani, Ki kpiagi o Diedo leni ti gogiditi.

⁶ Yiini mani ki pagi o Diedo ti Bado, Ki piebi kakaci leni li naatuntunli.

⁷ Mi ñincianma leni yaala n ye Mi niinni kuli n yaa duni, Ki taani ŋanduna leni yaala n ye o niinni kuli.

⁸ I kpenciami n pua ti nupodi, A juana mo n taani ki kpaani

⁹ Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.