Pisomi 93 - U TIENU MAAMA TILI 2013

Pisomi 93 O Diedo tie Bado

¹ Li Miali Diedo kaa li bali po, Ki pia ti kpiagidi! O Diedo pia ti kpiagidi, Ki ñagini u fidu o ciaga, Nani ku gbanñagidigu yeni. Lani yaa po n teni, Ke li ŋandunli se bonŋanla ki kan begibi.

² A bali kalikaanu ye hali u yogu nni, A ye hali yaa yogunu kuli, Ŋaa pia juodima.

³ O Diedo, i kpenciami kpaani, Ki kpedi i niali ki pugini i fuugu.

⁴ O Diedo ye hali tanpolijoma, Ki pia ti jigidi leni ti kpiagidi ki cie i kpenciami niali Leni mi ñincianma ñingola fuugu.

⁵ A mabilikaama kuli tie moamoane cain, O Diedo, mi gagidiŋanma dagidi Leni a diegu u yogunu kuli po.