Pisomi 91 - U TIENU MAAMA TILI 2013

Pisomi 91 Liba kuli kan sii yua n ye U Tienu soangu nni

¹ Yua n sani ki baa tanpoli Tienu po, Wuo U Paaciamu Daano yaa soangu nni.

² N yedi o Diedo: «Fini n tie n gaaka, N wuonkaanu leni n kaanpaalu, Ki tie n Tienu min dugi yua yaa po.»

³ U Tienu n baa faabi a o cuadialo cuadi nni, Ki faabi a u yianbiadipuodiko leni u biadima kuli.

⁴ O baa ŋoagini a leni o fiabi kobidi, Ki wuoni a o fiabi nni. O teginma tie gbankoandigu leni kudi liadile.

⁵ A kan jie ku ñiagu n pia yaa jawaanciandi, Ba ban toani yaa piemi u yensiinu,

⁶ Bi yaa yianbiadipuodiko n cuoni li biigili nni, Bi yaa yianbiadipuodiko n cuoni u yensiicocolu.

⁷ Ba niba tudili yaa baa a ganu po ki kpe, Ke niba tuda piiga (10 000) mo baa a jienu po, Liba kan nandi fini wani.

⁸ Ŋubidi a nuni ki le wan baa pa Bi nibiadiba yaa panpaani.

⁹ Fini o Diedo n tie n wuonkaanu. A teni ke wani tanpoli Tienu n tie a yekaanu.

¹⁰ Falaba kuli kan nandi a, Yebiadimiba kan nagini a gbandieli kani,

¹¹ Kelima o baa puogi o malekinba, Ban kubi a ŋan caa naankani kuli.

¹² Bi baa tebini a bi nii po, Ke a taali n da tuudi tanli.

¹³ A baa cuoni o yangbanlo leni li waalabili po, Ki ŋmaa ki gbiiga leni o bonfuodibiado.

¹⁴ O Diedo yedi: «Nani wan sani ki baa n po yeni, N baa teni wan cia. N baa kubi o kelima o bani min tie yua.

¹⁵ O yaa jaandi ki mia nni, N baa gaa o jaandi! Mini n ba n baa yaa ye leni o o fala nni, Ki faabi o ki go kpiagi o.

¹⁶ N baa teni o miali n foagidi Ki go yaa mani o po. N baa teni wan le n faabima.»