Pisomi 87 - U TIENU MAAMA TILI 2013

Pisomi 87 Jerusalemi kpiagidi

1 Kore buolu yanbu.

¹ Kore buolu yanbu. O Diedo maa Jerusalemi dogu, Yaa juana n gagidi ki ŋani yuli po.

² Jakob diema nni kuli o bua Siyon dogu, Ki cie i kaani kuli.

³ U Tienu dogu, ban maadi a po yaa maama, Pia ti kpiagidi boncianla. Joma

⁴ N yaa baandi yaa nibuoli n tuo n maama, N baa baani ki taani Ejipiti Leni Babilonni diema. N baa coadi Filisiti yaaba, Tiiri yaaba leni Etiopi yaaba Nani Jerusalemi yaaba yeni.

⁵ Bi baa maadi Siyon maama ki yedi: «I nibuoli kuli n cili naani n yeni. Tanpoli Badiciamo wani o ba n maa laa dogu.»

⁶ O Diedo baa diani i nibuoli yela. O baa coadi ki taani bikuli Jerusalemi dogu yaaba nne. Joma

⁷ Bi yiini ki go jeli ki tua: «Ti jiini kuli ye Siyon dogu nne.»