Pisomi 76 - U TIENU MAAMA TILI 2013

Pisomi 76 U Tienu gbeni bu toabu Siyon nni

¹ Bi yanyinba yudaano yani siiga yanbu, ban yiini yaabu leni ku gogidigu. Asafi yanbu.

² U Tienu teni ke bi bandi o Juda diema nni. O yeli ñani Isidayeli diema nni.

³ O gbandieli ye Salem po, Ke o deni mo tie Siyon.

⁴ Lankane ke o kua i piemi, Li gbankoandigu, ki jugisiega Leni bu toabu jatiadi kuli. Joma

⁵ A pia mi ñuadima ki ŋani, Kelima ŋan dogini yaa fagidi po.

⁶ Bi fagi yaa jakoanda N den pia li papaali yeni. Bi guani bi guajuodikaama. Laa jakoanda kuli naa fidi Ki koani ki gaa bi yula.

⁷ Jakob Tienu, ŋan funi leni ba yaa yogunu, I taami leni bi tanjagiba kuli den wabi.

⁸ Li pundi ban jie ŋa! A pali yaa beni, Ŋme n baa fidi ki sedi a kani?

⁹ Hali tanpoli, a teni ke bi gbadi Ŋan jia yaa buudi maama. Ki tinga ye leni i yanbani, ki se suo,

¹⁰ U Tienu n fii yaa yogunu Ki baa jia ti buudi, Ki faabi ki tinga ninñinniba. Joma

¹¹ Ba bi nisaaliba pabienli kpiagidi a. Bi mutuodanba mo baa la li paboanli tiadi.

¹² Niani mani o Diedo yi Tienu I ñoaniani, ki go kuani yi. Yaa niba n gaani ki lindi o kuli N cuani bu paabu U Tienu yua n pia i jeje po.

¹³ O pua ki luni bi badijaba japaadi, O pia i jeje ki tinga badiba po.