Pisomi 70 - U TIENU MAAMA TILI 2013

Pisomi 70 O Diedo, jaligi ki cua ki todi nni

¹ Bi yanyinba yudaano yani siiga yanbu. Davidi yanbu. Mi tiadima po.

² Ŋain U Tienu, cua ki faabi nni. O Diedo, jaligi ki nanli nni.

³ Teni yaaba n miadi n kuuma N fiagi ki wali i fe. Yaaba n miadi n po mi yebiadima N sudi puoli ki fiagi!

⁴ Teni ban guani puoli kelima i fe po, Bani yaaba n laa nni ti laadi yeni.

⁵ Ama yaaba n lingi a kuli, N yaa ye leni li pamanli a po. Yaaba n bua a faabima N yaa tua yogunu kuli: «U Tienu n baa ti pagidi!»

⁶ N luo, ki go tie ninñinnilo. Ŋain U Tienu, jaligi ki nanli nni A tie n todika, n candaano. O Diedo, jaligi ki cua ki todi nni.