Pisomi 54 - U TIENU MAAMA TILI 2013

Fala daano miabu

¹ Bi yanyinba yudaano yani siiga yanbu, ban yiini yaabu leni ti gogiditi. Davidi yanbu.

² Li maadi Sifi niba n den gedi ki ban waani Sayuli, ke Davidi cua ki wuoni bi diema nni yaa maama.

³ Ŋain U Tienu, Faabi nni kelima a yeli po! Saa n po i moamoani a paalu po!

⁴ U Tienu, cengi n po n jaandi! Diadi a tubili ki cengi n ñoabu nni maama,

⁵ Kelima bi nilanba fii ki sedi n po. Bi tugumoandanba bua ki kpa nni. Baa jie U Tienu! Joma

⁶ Ama U Tienu n tie n todika. O Diedo ye leni yaaba n todi nni.

⁷ O baa teni mi biadima n guani Ki baa n yibalinba po! Teni ban suo kelima a ŋanbili po.

⁸ N baa padi a po li padili leni payenli. N Diedo, n baa yiini ki pagi a yeli kelima a ŋani.

⁹ A faabi nni leni fala buoli kuli, Ki teni ke n laa n yibalinba puoli.