Pisomi 53 - U TIENU MAAMA TILI 2013

O nisaali-yanluodaano

¹ Bi yanyinba yudaano yani siiga yanbu, ban yiini yaabu leni ki yeliga. Davidi yanbu.

² Bi yanluodanba tua bi pala nni: «U Tienu naa ye!» Bi pua mi faama, Ki tuuni li cancagintuonli, Yua n tiendi yaala n ŋani naa ye.

³ U Tienu ye hali tanpoli, Ki biindi ki diidi bi nisaaliba, Ki baa le o yanfuodaano yaa ye bi siiga, Yua n lingi U Tienu.

⁴ Bikuli yaadi, ki biidi bi yula, Ba niyendo naa ye Yua n tiendi yaala n ŋani!

⁵ Naani yaaba n tiendi mi biadima yeni ki bani? Bi di n niba nani ban di mi jiema maama yene. Baa jaandi ki miadi U Tienu.

⁶ Lankane ke bi digibi Kelima ti jawaandi po, Ke puu kuli naa jieni ba. U Tienu baa yadi yaa niba n cua ki jiidi, Ki baa tuogi leni a yeni kpaba. N baa teni ban le i fe kelima U Tienu deli ba.

⁷ Ŋme n baa pa Isidayeli yaaba Mi faabima hali Siyon nni? U Tienu yaa ñani o niba ti yonbidi nni, Ki guani ki kpeninni yaa yogunu, Jakob puoliŋuani baa yaa ye Leni li pamancianli, Isidayeli yaaba yeni pala baa mangi!