Pisomi 47 - U TIENU MAAMA TILI 2013

Pisomi 47 Pagi mani o Diedo ŋanduna Badiciamo

¹ Bi yanyinba yudaano yani siiga yanbu. Kore buolu yanbu.

² Yinba i nilanbuoli kuli, Pua mani ti nupodi! Yiini mani ki pagi U Tienu!

³ Kelima o Diedo, Tanpoli Tienu pia i jeje, Wani n tie ki tinga kuli bado.

⁴ O teni ke ti paadi i nilanbuoli, Ki guli ba ki teni ke ti ŋmaadi ba.

⁵ O gandi tinba Jakob puoliŋuani po mi diema, Wani wan bua yua yeni yaa kpiagidi po. Joma

⁶ U Tienu caa o yekaanu i yani leni i yigimi siiga. O Diedo kpendi leni li naatuntunli piebima.

⁷ Yiini mani ki kpiagi U Tienu! Yiini mani ki kpiagi o! Yiini mani ki kpiagi ti bado, Yiini mani ki kpiagi o!

⁸ U Tienu n tie ki tinga kuli bado, Yiini mani ki pagi o leni bu yanmanbu.

⁹ U Tienu die i nibuoli kuli. U Tienu kaa o bali kalikaanu yuu n gagidi ki ŋani po.

¹⁰ I nilanbuoli badijaba taagi Leni Abalahama Tienu niba, Kelima U Tienu n die ŋanduna badiba. Wani n die li bonla kuli.