Pisomi 43 - U TIENU MAAMA TILI 2013

Pisomi 43

¹ Saa n po i moamoani n Tienu, Koani leni yaa nibuolu n ki tiegi yeni Ki gaa nni. Faabi nni i janbi danba Leni bi nibiadiba nuu nni!

² Fini n tie yaa Tienu n kubi nni, Be n teni ke a luni nni? Be n teni ke n cuoni leni li pabiidili, Ke n yibali mabindi nni?

³ Soani a yenma leni a moamoani N yaa gobidi nni, Ki cangi nni a joagagidikaali po!

⁴ N baa gedi U Tienu padibinbinli po, Wani U Tienu yua n tie n pamanli kani. Fini yua n tie n Tienu, N baa pagi a leni n gogidigu!

⁵ N den tua n yuli: «Be n teni ke li paboanli paadi a? Be n teni ke a duni a pali nni? Dugi U Tienu po! N go baa pagi o! O tie n faabima leni n Tienu.»