Pisomi 26 - U TIENU MAAMA TILI 2013Pisomi 26 Yua n ki pia tagili miabu 1 Davidi yanbu. 1 Davidi yanbu. O Diedo, jia ti buudi ki saa n po i moamoani, Kelima n cuoni mi teginma nni. N bili n dugidi fini o Diedo kani, Ki se ke li pa. 2 Kpaagi nni o Diedo, ki biigi nni. Ŋanbi n yantiali leni n pali Nani ban ŋanbidi ti kudi U maafanu nni maama yeni. 3 A ŋanbili ye n nintuali, N cuoni a moamoani nni. 4 Mii kaa leni bi tuofaadanba, Mii yegi leni palalie danba mo. 5 N nani bi nibiadiba taanli, Mii kaa bi nibiadiba taanli nni. 6 O Diedo, n nidi n nii ki doagidi Ke mii pia tagili! N gaandi ki lindi a padibinbinli, 7 Ki baa teni ban gbadi ti pagidi nialu, Ki guani ki togidi a tuonciama kuli. 8 O Diedo, n bua ki yaa ye a diegu nni Leni a kpiagidi n ye naankani kuli. 9 Da taani ki ñani nni Leni ti tuonbiadi danba, Ki taa n miali, Ki da taani ki kpa nni leni bi nikpaba, 10 Bani yaaba yaa nii n tiendi ti cagindi, Ke bi jieni mo gbie leni li suuli yeni. 11 Mini wani, n cuoni leni li papienli! Faabi nni ki gbadi n po mi ninñima. 12 N se naani n pa bonŋanla nni. A nitaana nni, n baa pagi o Diedo. |
Gulmancema Protestant Bible © Bible Society of Burkina Faso, 2013.
Bible Society of Burkina Faso