Pisomi 146 - U TIENU MAAMA TILI 2013

Pisomi 146 O Diedo, mi faabima daano

¹ Pagi mani o Diedo! N naano, pagi o Diedo!

² N baa yaa pagi o Diedo N miali dana nni kuli. N baa yaa yiini ki pagi U Tienu Min pia n miali yaa yogunu.

³ Da dugi mani bi paatieba po, Bani bi nisaaliba yaaba n kan fidi Ki faabi yi po.

⁴ Bi miana fuoma yen sedi, Ban guani mi tama nni, Bi jaga kuli mo n bodi landaali.

⁵ Li pamanli ye leni yua n pia Jakob Tienu ke o tie o gaapo, Ki bili o suginma o Diedo o Tienu kani.

⁶ O Diedo n tagi tanpoli leni ki tinga, Mi ñincianma leni yaala n ye mi niinni kuli. O kubi i moamoani yaa yogunu kuli po.

⁷ O ja yaa buudi n tiegi, Ban wangi yaaba fala po. O puuni mi koma n pia yaaba mi jiema. Wani o Diedo n faabidi a kpaada.

⁸ O Diedo noadi a juama, Ki fiindi ki siendi yaaba n poali ki buani. O Diedo bua bi niteginkaaba.

⁹ O Diedo kubi bi canba, O kubi ki kpienbiga leni li kpepuoli. Ama o biandi bi nibiadiba yanjaga fanma.

¹⁰ O Diedo baa yaa die yaa yogu kuli Siyon, a Tienu baa yaa ye nifiima n tuu nifiima! Pagi mani o Diedo!