Pisomi 141 - U TIENU MAAMA TILI 2013

Pisomi 141 O Diedo, gobidi n maama

1 Davidi yanbu.

¹ Davidi yanbu. O Diedo, n kpaani ki mia ŋa, Jaligi ki cua ki todi nni! Diadi a tubili ki cengi n nialu, Min miadi a yaa yogunu!

² N jaandi n do ki pundi a kani, Nani a dugibila muñii yeni, N nii yii n yuugi mo tua yenjuapadili a po.

³ O Diedo, yaa guu n po n ñoabu, Ki kubi n po n ñoacuuna mo!

⁴ Da pegidi n pali mi biadima po, Da teni min taani leni yaa niba n bia, Ki tieni a tuongunda. Yeni, n kan leni bi jemanma.

⁵ Teni o niteginka n pua nni ki tundi nni. O yaa tundi nni, li tie tulale kpame n yuli po. Teni n jaandi n bu ki cuo bi nibiadiba yeni.

⁶ Ban pieni ki lu bani bi yudanba Mi joayidima po, Bani yaaba n bi bua ki gbadi ke bi yedi n po:

⁷ «Nani ki tinga n yen toa i yiali maama, Bi tinkpiba diema moko baa yaadi Mi ñoabu ki nali ti kpaba yene.»

⁸ N Diedo U Tienu, n nuni nua fine. N sani ki wuoni a yaa kane, Da teni min kpe.

⁹ Faabi nni leni ban dia nni yaa diagu, Leni yaaba n tiendi mi biadima tela nni.

¹⁰ Bi nibiadiba baa guani ki baa bi diadi nni, Ama mini wani baa fidi ki cia.