Pisomi 13 - U TIENU MAAMA TILI 2013

Pisomi 13

¹ Bi yanyinba yudaano yani siiga yanbu. Davidi yanbu.

² N Diedo a baa sundi n po, Hali u laa yogunu yo? O Diedo hali u laa yogunu yo, Ke a baa buli nni a nunga?

³ Hali u laa yogunu yo, ke n baa yaa Ye leni ti yanyagidi leni li paboanli? N yibali baa paadi nni, Ki pundi hali u laa yogunu?

⁴ O Diedo n Tienu, nuali ki guani nni! Yendi n nunbima! Lani n tie mi kuuma guama n da ti taa nni.

⁵ Yeni, n yibali kan yedi: «N paadi o!» N koanginkaaba mo n da mangi Bi pala n tingbali po!

⁶ Ama mini wani, n dugi a yaa po yo. N pali mo mani kelima a faabima po. N baa yiini ki pagi o Diedo, Kelima o ŋanbi n po.